تمرين البلانك من التمارين الايزوميتريه الي عادة تستخدم في علاج الاصابات واعادة التأهيل (ايزوميتري يعني بدون حركة، يعني تمارين تقوية تكون فيها زاوية المفاصل ثابتة، وطول العضلة ثابت)-تمارين البلانك تساعدك على تقوية عضلات الكور كلها، يعني تقوي عضلات الجسم الوسطى (معدة، اسفل الظهر، العضلات الي تشوفونها والي ما تشوفنها)-وهم تساعدك على تطوير وضعية ظهرك وتوازن جسمك، وتقلل آلام الظهر، وتطيرلك الكرشة-تمارين البلانك تقدرون تسوونها باكثر من طريقة، المهم انك تطبق التمرين بالطريقة الصحيحة وتحاول تثبت جسمك لفترة ٢٠-٣٠ ثانية أو أكثر، تريح ٣٠-٦٠ ثانية وترد تعيد التمرين لعدد من الجولات
تكنيك آخر يساعدك تزيد الضغط/الحمل على العضلات وهو عبارة عن تكرار الوزن باستخدام نصف المدى الحركي
عادة من بداية الحركة الى نصف المدى الحركي-شلون تستخدمة؟-أثناء الجولة، وانت تكرر بالوزن بالاسلوب العادي، لما تحس بالتعب، كمل باقي الجولة باستخدام هالتكنيك، يعني تكملك عدد من التكرارات باستخدام نصف المدى الحركي-هالشي راح يخليك تضيف حمل زيادة على العضلات، حمل أكثر من الي انت متعود عليه، وبالتالي راح تكبر العضلة للتكيف مع اسلوب تمرينك الجديد
Rest-Pause Set-هالتكنيك من التمرين ما نشوفة وايد في النادي، ماكو وايد يعرفونة، لكنه ممكن يكون من أصعب وأقوى التمارين الي ممكن تسويها.-شنو طريقة هالتمرين؟-تختار وزن تقدر تكررة من ٨ الى ١٢ تكرار بدون مساعدة، بعد ما تخلص التكرارات، تريح وتاخذ من ١٥ الى ٢٠ نفس، وترد تكرر نفس الوزن مرة ثانية كثر ما تقدر (غالباً بيكون ٣ الى ٥ تكرارات) مع مساعدة، تريح وتاخذ ١٥ الى ٢٠ نفس مرة ثانية، وترد تشيل نفس الوزن وتكرر كثر ما تقدر مع مساعدة (غالباً من ٢ الى ٤ تكرارات)-شنو استفدت من هالشي؟-انت شلت وزن كنت تقدر تكررة ١٢ مرة كحد اقصى، وكررته من ١٧ الى ٢١ تكرار. يعني صدمت العضلة وتحديتها وخليتها تحت ضغط وحمل مو متعودة عليه.-أنصح بأنك تستخدم هالتمرين مع تمارين...
إذا كنت حاب إنك تطور عضلة ضعيفة وعنيدة عندك، تقدر تستخدم طريقة الدروب ست. ولكن هالطريقة مو حق أي أحد، هالاسلوب من التمرين ما ننصح فيه إلا إذا كان مستواك متقدم (يعني عضلاتك قوية متطورة، بس حاب إنك تكبرها زيادة، خاصة اذا كانت أضعف من باقي عضلات جسمك-شنو يعني Drop Set-هو إنك تتمرن في وزن معين لغاية الإخفاق (يعني تكرر لين تتعب وما تقدر تسوي تكرار زيادة) وبعدها على طول تقلل الوزن وتستمر في التكرار لغاية الإخفاق مرة ثانية-ممكن يكون على جولتين (يعني تقلل الوزن مرة وحدة) أو ثلاث جولات (تقلل الوزن مرتين) أو أربع جولات (تقلل الوزن ثلاث مرات) وطبعاً كلهم بدون لا تريح بين الجولات-طبعاً، وايد أشوف شباب يطبقون هالاسلوب بصورة خاطئة، تلاقيهم يسوونه بكل التمارين، وطول الاسبوع...
العضلات تنمو لكي تستطيع التكيف مع التمارين التي تمارسها. يعني لازم تعطي جسمك سبب لكي يتغير وينمو. ولما توصل مرحلة يكون فيها الجسم متعود على طريقة تمرينك، لابد إنك تطور التمرين، وتحط عضلات جسمك تحت ضغط أكبر، ولا ماراح يصير في أي تطور-أكيد سمعتوا بمصطلحات في النادي أو في الإنستاجرام مثل سوبر ست، دروب سيت، وغيرهم من طرق التمرين المختلفة-في البوستات القادمة، راح نشرح لكم التكنيكات المختلفة، الي ممكن تستخدمها في التمرين سواءً للحصول على كتلة عضلية أكبر، أو لتغيير العضلات العنيدة عندك. تابعونا
