من تمارين الظهر الي ما نشوفها وايد في النوادي، تمرين "سيل روز". وبهل بوست راح نشرح لكم مميزات وطريقة اداء هالتمرين
تمرين السيل رو هو تمرين تجديف لعضلات الظهر (البيطان او الجوانح) يشابه تمرين التجديف بالدامبل او البار، لكن يتميز عنهم بثلاث نقاط رئيسية
1- هالتمرين يشغل فقط عضلات البيطان واعلى الظهر، يعني اسفل الظهر مو داش في الحسبة كلش (تعتبر ميزة حق اي شخص حاب يركز على هذه العضلات ويبي يريح ويخفف الضغط على عضلات اسفل الظهر)
2- ما تقدر تغش أو تبوق كلش بهل تمرين، يعني كل الحمل بيكون على عضلات الجوانح واعلى الظهر فقط - وراح تعرفون ليش لما نشرح طريقة اداء التمرين
3- لانك متسند بالكامل على البنش، راح تضمن ان العامود الفقري يكون مستقيم وهالشي يقلل فرصة حدوث الاصابات
:طريقة اداء التمرين
1- تستخدم بنش مستوي وتحط تحتة ٣ اقراص عشان يرتفع عن الأرض بالكامل من الجهتين عشان تقدر تفرد ايدك بالكامل
2- تنام على بطنك على البنش - البطن والصدر والحنچ كلهم على البنش - وتمسك دامبلز او بار
3- تسحب الوزن بطريقة التجديف لغاية ما تنقبض عضلات الظهر بالكامل - تثبت ثانيه وتنزل بطيء نزلة كامله
4- بلش باوزان خفيفه وزيد تدريجي لغاية ما تتقن الحركة
ملاحظة: اكتب
seal rows باليوتيوب وشوف وتعلم الطريقة الصحيحة لأداء التمرين