سؤال دائماً يتكرر خاصةً مع المبتدئين في تمارين المقاومة-جم لازم تشيل في كل تمرين عشان تستفيد صح؟-طبعاً الجواب لهذا السؤال هو انك تشيل الوزن الي تقدر عليه، الوزن الي تقدر تشيلة صح وتتحكم فيه لعدد التكرارات المطلوب-على سبيل المثال، لو الجدول التدريبي حدد لك ١٢ الى ١٥ تكرار، معناة هذا الكلام انك تشيل الوزن الي تقدر تكرره من ١٢ الى ١٥ تكرار-لو شلت وزن تقدر تكرره عشرين مرة، معناته هذا الوزن خفيف عليك وتقدر تشيل وزن اكثر (بالنسبة للتكرار المحدد في (الجدول-نفس الكلام، لو وزن ما قدرت تكررة ١٢ مرة على الاقل (بالنسبة للتكرار المحدد في الجدول)، معناتة لازم تخفف الوزن-الخلاصة: هذي رياضة مقاومة، يعني لازم يكون في مقاومة مؤثرة عشان الجسم يستفيد، وشكراً
أكيد لاحظتوا إن في أكثر من نوع لتمرين السكوات، واليوم راح نحاول نشرح الفرق بين بعضهم-Back Squats-وهو السكوات التقليدي، ويركز على عضلات الفخذ الامامية والخلفية والبطات وعضلات اسفل الظهر-Front Squats-طبعاً لأن وضعية البار تكون أمام الجسم، هالشي يخلي الظهر يكون أكثر استقامة اثناء التمرين وبالتالي التركيز أكثر على عضلات الفخذ الأمامية، لكن اتقان هالطريقة يعتبر اصعب من السكوات التقليدي -Sumo Squats-تكون وضعية القدمين واسعة، مما يزيد التركيز على عضلات الفخذ الداخلية-Hack squats-وهو جهاز السكوات المائل، التركيز يكون على عضلات الفخذ الامامية اذا كانت القدمين اسفل اللوح، ويزيد التركيز على عضلات الفخذ الخلفية لما تكون القدمين اعلى اللوح-بشكل عام، وضعية الأقدام تحدد المنطقة التي يتركز عليها الجهد، كثر ما تقرب القدمين من بعض يزيد التركيز على عضلات الفخذ الأمامية، وكثر ما...
من تمارين الترايسبس المفضلة عند العديد من اللاعبين، يركز على الرأس الطويل من عضلة الترايسبس-تقدر تمارس هالتمرين وانت واقف او وانت جالس، اثناء الوقوف، احرص على شد عضلات المعدة لتجنب تقويس اسفل الظهر، واذا ما تقدر، طبق التمرين وانت جالس على كرسي - عشان تسند ظهرك-ميزة هالتمرين انك تمدد الرأس الطويل من عضلة الترايسبس وانت تنزل الوزن، وهالشي راح يشغلها اكثر عند الانقباض
:من أفضل تمارين البايسبس لأنه-1. يعزل عضلة البايسبس -2. لانك مسند زندك، ماراح تقدر تبوق أو تغش في التمرين-:شيئين لازم تعرفهم بهل تمرين لتجنب الاصابة-1. سخن عدل قبل لا تبلش هالتمرين، وتدرج في الوزن، لانه يحط ضغط شديد على العضلة-2. لا تفرد ايدك بالكامل عند النزول، لتجنب التهاب الاربطة-وأخيراً، تقدر تمارس هذا التمرين باستخدام البار المستوي او المتعرج او الجهاز، وشكراً.
هالتمرين يعتبر من التمارين الأساسية، يعني كل رياضي لازم يسويه، ويعتبر تمرين مُركّب، يعني يحرك عدد من عضلات الجسم مع بعض وهم عضلات الكتف الأمامية والجانبية بشكل أساسي، وعضلات أعلى الصدر عند الترقوه وعضلة الترايسبس وعضلات المثلثات-تقدر تمارس هالتمرين بعدة طرق، باستخدام البار أو الدامبلز أو الجهاز، سواءً كنت واقف مثل الصورة أو وانت جالس-وضعية قبضة اليد تلعب دور كبير في هذا التمرين، فمثلا، عندما تكون القبضة واسعة والأكواع على جانب الجسم، يكون التركيز أكثر على عضلات الاكتاف الامامية والجانبية، وعندما تكون القبضة ضيقة والأكواع الى الأمام يكون التركيز أكثر على عضلات الاكتاف الامامية وعضلات أعلى الصدر عند الترقوه-زين شالفرق بين ممارسة التمرين وانت واقف أو وانت جالس ومسند ظهرك على كرسي؟ -عند الوقوف، تحتاج انك توازن نفسك أكثر باستخدام...
