تمرين الديد ليفت تمرين قوي وشامل وأساسي مثل ما شرحنا في بوست سابق، لكن بهل بوست راح نشرح الطريقة العامة لأداء هذا التمرين
اول شي وقف جدام البار مع وضع الارجل على مستوى الكتف تقريبا وامسك البار بمستوى اوسع من الكتف بشوي
لازم تكون عضلات المعدة والظهر السفلي مشدودة، وبعدها اثني الركب لين تصير الافخاذ موازية للارض (او اعلى شوي للي فخذة طويل وما عندة مرونه
(اخذ نفس واكتمه، شد عضلات المعدة والظهر، وارفع البار (خل البار يلامس الساق وانت ترفعه
لما يوصل البار الى مستوى الركب، افرد الجذع والارجل لين توقف بالكامل، وطلع النفس وانت قاعد تصعد
بعدين خلك واقف سيده ثانيتين، ونزل البار للارض، احرص ان ظهرك يكون مستقيم طول فترة التمرين
ملاحظة: لا تنسى تلبس حزام مع هالتمرين اذا كان الوزن ثقيل