Pre-Workout Supplements Guide دليل مكملات قبل التمرين

وايد ناس تشتري منتجات وتقط فلوس وبالاخير كل اللي انت شاريه عبارة عن جرعة عالية من الكافيين فقط لان باقي المكونات جرعاتها تكون تافهه وغير مؤثرة.
-
في هذا البوست راح نكتب لكم عن المواد الاكثر شيوعاً في مكملات قبل التمرين أو preworkout -
Caffeine -
منبه للجهاز العصبي ويساعدك على زيادة الاداء الرياضي، الجرعة تكون ٢-٣ ملغ لكل كيلو من وزن الجسم (٦ ملغ كحد اقصى)، لكنه اختياري، لان مو الكل يقدر يتحمل هالجرعات وهم لانك تقدر تحصلة من مصادر اخرى مثل القهوه، يعني وجودة في المنتج أمر راجع لك.
-
Creatine
-
جرعتة تكون مابين ٣-٥ جرام، فعال جداً في زيادة الاداء الرياضي والحجم العضلي، تقدر تاخذة قبل او بعد التمرين، فاذا كنت تاخذة بعد التمرين، مو ضروري يكون موجود في مكملات قبل التمرين.
-
Beta-Alanine
-
ممتاز لتحسين الاداء الرياضي، جرعتة اليومية ٣.٢ جرام، يعني مكمل قبل التمرين لازم يكون فيه على الاقل نصف هذه الكمية أو أكثر (١.٦ جرام او اكثر)
-
Betaine
-
يساعد على زيادة الاداء الرياضي (خاصة اذا اخذته مع كرياتين)، جرعتة اليومية ٢.٥ الى ٦ جرام في اليوم موزعة على جرعتين، يعني جرعتة في مكمل قبل التمرين لازم تكون ١.٥ جرام أو أكثر
-
Citrulline Malate
-
فعال أكثر من الأرجنين، يساعد على تقليل الارهاق الناتج من التمرين ويحسن من الاداء الرياضي (يزيد من ضخ الدم) وجرعتة قبل التمرين لازم تكون ٦ جرام، لكن ممكن تكون أقل في المنتج اذا كان فيه أرجنين (وايد شركات يحطون الاثنين لان السترولين غالي، ٦ جرام في المنتج ترفع من سعر المنتج كثيرا)
-
BCAA
-
٥ جرام من البي سي اي اي قبل او اثناء التمرين تساعد على تقليل الارهاق الناتج من التمرين، وتساعد أيضا على تقليل استنزاف الجلايكوجين (مخازن الكربوهيدرات في العضلات)، فاذا كان موجود في مكمل قبل التمرين، ما تحتاج تاخذه اثناء التمرين (الا اذا كان استهلاكك للبروتين قليل)
-
ملاحظة: كانت هذي بعض الارشادات التي تساعدك على اختيار مكمل قبل التمرين المناسب لك، مو قاعد نقول بان استخدام هذه المكملات ضروري او اساسي، لانها مكملات للغذاء، فاذا كان غذائك مضبوط ١٠٠٪‏، ماراح تحتاجها، وشكراً.
-
ملاحظة أخرى: جميع هذه المواد كتبنا عنها بوستات من قبل، اذا حاب تعرف اكثر عنهم، اكتب اسمائهم في البحث في موقعنا الالكتروني (رابط الموقع في البايو)