ليش ننصح بمكملات البروتين؟


تحتاج تاكل كفايتك من البروتين عشان جسمك يستفيد أكثر من التمرين (يساعد على الإستشفاء العضلي) وأيضاً بيساعدك تخسر الدهون (نعم الحمية العالية في البروتين تساعد على خسارة الدهون)... وغيرة من الفوائد الأخرى الي تكلمنا عنها في بوستات سابقة... هذا بالنسبة للبروتين بشكل عام سواء من الطعام او من مكمل.
-
تستخدم مكملات البروتين للمساعدة على تغطية إحتياجك من البروتين (ويعتبر آمن جداً)... زين ليش ما نصكر إحتياجنا من الأكل؟
-
عادي إخذ إحتياجك من الأكل إذا تبي، بس الأغلبية ما يقدرون ياكلون هالكثر من مصادر البروتين (لحوم، دجاج، بيض، سمك، الخ) خاصة من فئه النساء... ولا تنسى ان مع رياضة المقاومة راح تحتاج ٢.٢ غرام بروتين لكل كيلو من وزن الجسم (للأوزان الطبيعية) وينصح إنك تزيد هذا الرقم إذا كانت سعراتك أقل من إحتياجك (للحفاظ على الكتلة العضلية أثناء خسارة الدهون والوزن قدر الإمكان) -
وننصح المشتركين بإستعمال مكملات البروتين لهذه الأسباب:
-
1⃣ السكوب يعطيك ٢٥ غرام بروتين في حدود ١٢٠ كالوري فقط (نسبة جداً ممتازة مقارنة في السعرات)
2⃣ سهل الهضم وسريع الإمتصاص (تقدر تاكل بعدها بنصف ساعة أو ساعة)
3⃣ سعرة مو غالي مقارنة بمصادر البروتين الأخرى (٣٠٠ فلس تقريبا للسكوب)
4⃣ السهولة والراحة في التحضير والإستعمال (تاخذه معاك وين ما كنت وتحضيرة ما يحتاج شي غير الماء) -
إذا تبي نظام غذائي بدون مكملات البروتين، مافي مشكلة، بس إصملها وخلص أكلك. -
أي سؤال؟ كتبوه في الكومنت تحت 👇🏻👇🏻👇🏻