وصفة بروتين شيك لتقوية المناعة


الحين وقت هالخلطة العجيبة مع تغيير الجو وزيادة امراض الزكام والانفلونزا... جميع المكونات سوبر وهالشي يخلي هالخلطة ممتازة لتقوية المناعة، هذا بالإضافة الى انها تقاوم الإلتهابات وتحسن الهضم وتساعد على تسكين الآلام، وهذي المقادير وطريقة التحضير.
-
المقادير:
-
كوب سبانخ (يفضل مثلج)
كوب حليب جوز الهند (بدون سكر مضاف)
موزة حجم وسط
قطعه صغيرة (١ سم) زنجبيل فرش (سوها شرائح)
رشة دارسين (قرفة)
رشة هيل مطحون
سكوب بروتين بدون نكهه (او بنكهه الفانيلا)
-
طريقة التحضير:
-
اخلط السبانخ مع حليب جوز الهند في الخلاط لغاية مايصير ناعم، بعدين ضيف باقي المقادير واضربهم عدل في الخلاط واستمتع بالفوائد الصحية الجبارة.
-
القيمة الغذائية:
-
277 kcal
26g protein
32g carbohydrates
5g fat -
الوجبة هذي تصلح كبديل لوجبة أو كسناك (اذا كان احتياجك للطاقة عالي)، وزينة حق الي ما ياكلون فواكه وخضروات كفاية، وعليكم بالعافية.