أطعمه ما تقدر تقاومها (Trigger Foods)

‎في نظرية تقول أن كل شخص عنده أطعمة معينة ما يقدر يقاومها وغالباً بياكل منها كميات تفوق حاجتة (تختلف هذه الأطعمه من شخص لآخر) .
‎بدون أدنى شك... الطعام والعواطف شيئان مرتبطان مع بعضهما البعض... يعني، الطعام يؤثر على عواطفنا وبنفس الوقت، عواطفنا تؤثر على سلوكنا الغذائي. .
‎والمشكلة هي أن أغلب هذه الأطعمة تكون عالية جدا في السعرات الحرارية (دسمة او عالية بالسكريات) مثل الحلويات والبيتزا والبرغر وغيرة... والإفراط في تناولها أكيد بيسبب لنا مشاكل صحية (من زيادة وزن وغيرة) .
‎الحين شلون نقدر نتعامل مع هذه الأطعمة ونتحكم في أنفسنا أمامها بدون لا نخرب تعبنا ومجهودنا مع الرجيم؟ .
‎هذه النصائح ممكن تساعدك وايد:
.
‎▪تقدر تبتعد عنه بالكامل إذا كان دائماً مخرب إلتزامك في الرجيم. ‎▪تقدر تخلي هذا الطعام صحي أكثر عن طريق استخدام وصفة صحية مخففة له (مثلا البرغر الصحي والحلويات الصحية والبيتزا الصحية وغيرة) ‎▪تقدر تاكل حجم الحصة المناسب لك ولإحتياجك من هذا الطعام (بتكون صعبة شوي، لكن البعض يقدر يكتفي بقطعة صغيرة من الطعام الي يحبة) ‎▪بعد ما تاكل القطعة الصغيرة المحسوبة من هذا الطعام، تقدر تاكل بعدها طعام صحي عشان تشبع بأقل كمية من السعرات الحرارية (مثل الفواكه والخضروات) ‎▪إذا صارت معاك وأكلت بزيادة من هذا الطعام وخربت الرجيم يومها... لا تهستر ولا تحاتي... إرجع على نظامك كأن ماصار شيء... وحاول تلتزم بشكل أفضل في المستقبل.
.
‎وسلامتكم يالربع. .
‎شاركونا بتجاربكم مع هذه الأطعمة، وشلون تعاملتوا معها؟