"صارلي فترة اسوي رجيم ووزني ما ينزل، اتبعت رجيمات عديدة وماكو فايدة وزني للحين مو راضي ينزل ومو عارف شسوي...." -
هالمسج يوصلنا يومياً، فقلنا نرد عليه في بوست عشان الكل يستفيد
-
لما يكون اكلك قليل جداً (وهذا طبعا غلط لكن وايد ناس يسوونه) ووزنك ما ينزل، معناته ان معدل الايض عندك (الميتابولزم) جداً بطيء، ولان اكلك قليل جداً، مافي مجال انك تقلله زيادة لان هالشي بيزيد من سوء الموقف... زين شتسوي؟
-
تسوي العكس تماماً، يعني تبدأ في زيادة أكلك بالتدريج لكن بحذر لتجنب زيادة الوزن مع ممارسة الرياضة لغاية ما تصير كمية اكلك طبيعية، وبهل فترة، هدفك هو اعادة معدل الايض الى مستوياته الطبيعية عشان تقدر تنزل وزنك بعدها
-
شلون "تعكس" الرجيم بشكل عام؟ -
الفكرة جداً بسيطة لكن يبيلها صبر، كل اللي عليك تسويه هو انك تبدأ تزيد الطاقة (السعرات) بمعدل ٥٪ في الاسبوع (تقريبا ٥٠-١٠٠ كالوري) لغاية ما توصل الى كمية الطاقة الفعلية اللي يحتاجها جسمك للمحافطة على الوزن... شنو راح يصير معاك؟
-
راح تتفاجأ بالنتائج، راح يزيد عندك الشعور بالطاقة والنشاط، تمرينك راح يكون افضل، راح يقل الشعور في الجوع، وراح تنصدم لما تلاحظ بان جسمك قاعد يتعدل رغم انك قاعد تاكل اكثر، النوم راح يتحسن، ومزاجك كذلك راح يتحسن
-
شعور جداً جميل لما تبدأ تاكل اكثر، وتلاقي جسمك يتحسن اكثر من قبل، لكن وين المشكلة؟ المشكلة هي ان اغلب الناس ما عندها صبر للأسف، وهالطريقة محتاجة وقت، لكن فكر فيها، انت اساسا قاعد تضيع وقت وانت تتبع نظام غذائي قاسي بدون لا تحصل على أي نتيجة. -
طبعاً هالطريقة لها أسس وقواعد، ومثل ما قلنا محتاجة وقت وصبر، وممكن تلاحظ زيادة قليلة في الوزن، لكن ثق تماما بان هذه الزيادة ماراح تكون دهون طول ما انت اكلك اساسا أقل من احتياجك الفعلي
-
إذا حاس ان هالحالة تنطبق عليك، وحاب انك تجربها، إبحث عنها أكثر، أو اشترك معانا واحنا نساعدك توصل للي تبيه، لكن تذكر، الصبر والإلتزام مطلوب
Reverse Dieting