بخاخ الطبخ (Cooking Spray)


وايد ناس فاهمة موضوع بخاخ الطبخ غلط، فقلنا لازم نكتب بوست عن الموضوع.
-
أول شي، بخاخ الطبخ اطلاقاً مو خالي من السعرات، لانه يتكون من زيت معلق/مخلوط بالماء، وبما انه فيه زيت (زيت الكانولا وزيت الزيتون او اي زيت ثاني) يعني فيه سعرات.
-
زين، ليش يكتبون عليه خالي من الدهون والسعرات؟ -
لأن القانون يسمح لك انك تكتب خالي من الدهون اذا كانت كمية الدهون اقل من نصف غرام للحصة... واذا قريتوا على العلبة عدل، راح تلاقون حجم الحصة عبارة عن رشة مدتها ثلث ثانية أو أقل (حسب النوع) وهذا كلام غير منطقي، لان محد بيرش لمدة "ثلث" ثانية فقط!
-
زين، يعني شكثر فيه سعرات؟ -
🔹 رشة لمدة ثلث ثانية فيها ٢ سعرات فقط (٠،٢٤ غرام دهون، ويكتب صفر على المنتج لانه اقل من نصف غرام)
🔹 رشة لمدة ثانية فيها ٧ سعرات فقط (٠،٧١ غرام دهون)
🔹 العلبة كاملة (٦ اونصه) فيها ١٣٣١ كالوري تقريبا وتطول معاك شهر اذا تستخدمها يومياً. 🔹 يعني تقريباً ٤٥ كالوري في اليوم فقط.
-
زين، شكثر ٤٥ كالوري من الزيوت النباتية؟
-
تعادل ملعقة صغيرة واحدة فقط... يعني مستحيل تقدر تستخدم ملعقة زيت صغيرة لطبخ وجباتك اليومية كلها... ولهذا السبب ينصح بالطبخ بدون زيت او باستخدام البخاخ لخفض السعرات الحرارية للوجبة اذا كنت قاعد تحاول تنزل وزنك.
-
يعني قاعد تقولون البخاخ صحي اكثر من الزيت العادي؟ -
لاء اطلاقا ما قلنا هالكلام، وما ننصح بالغاء مصادر الدهون من النظام... كل الي قاعد نقوله:
-
اذا تبي تقلل من سعرات الوجبة عشان تضعف، لا تطبخ بالزيت، او استخدم بخاخ الطبخ كبديل لان سعراته اقل... واستفيد من الزيوت النباتية ومصادر الدهون المفيدة الاخرى (مكسرات، افوكادو، الخ) في السلطات والسناكات الخ.
-
وشكراً لكم.