الأكل النظيف (Clean Food)

مصطلح الأكل النظيف صار جداً مبهم ومشوش، خاصة الحين في زمنا هذا... قبل، كان الاكل النظيف يعني "انك تاكل الاكل الطبيعي قدر الامكان" والحين صار هالمصطلح يشمل منتجات مصنعة وانظمة غذائية تحت إسم مشهور "خالي من الغلوتين، باليو، فيغان، الخ" وهني صار التشويش.
-
القصد كان من الاكل النظيف هو انك تاكل الاغذية الطبيعية الكاملة، مثل الفواكة والخضروات والمكسرات الطبيعية والاغذية التي لم يتم معالجتها... يعني أي شي يستخدمون فيه مضادات حيوية، هرمونات، تعديل وراثي، مبيدات حشرية، او يضاف له مواد او تنشال منه مكونات... الخ، يعتبر غير نظيف.
-
وطبعاً هالكلام بالرغم من انه منطقي وصحي، الا انه غير واقعي لانه بيكون مكلف أولاً، وبيكون صعب الحصول عليه ثانياً (غير متوفر في كل مكان)، وكذلك يعتبر صعب تطبقية اجتماعياً (فكر في المناسبات والعزايم والمطاعم مع اهلك واصدقائك) -
والحين شنو صار؟ الحين صار تأليف وتسويق وتجارة، منتجات متروسة سكر بس يكتبون عليها "مكونات نظيفة" لان مستخدم مصدر سكر طبيعي، ومنتجات متروسة دهون مشبعة بس يسوقونها على انها نظيفة وافضل من غيرها لانها تستخدم زيت جوز الهند! ومو بس هذا، العموم صار عندة مفهومة الخاص بالاكل النظيف... لدرجة صار عندهم الاكل النظيف هو الغاء مجموعات وعناصر غذائية كاملة (مثلاً، يلغي الفواكه وحليب وصفار بيض وغيرة ويقول انه قاعد يتبع نمط غذائي نظيف!) -
زبدة الموضوع، بان رغم اختلاف تعريف "الاكل النظيف" عند الناس، الا ان في فكرة خاطئة مشتركة بينهم كلهم وهي (عشان تضعف لازم تاكل اكل دايت نظيف) وهذا ليس بالضرورة كلام صحيح.... لأن كل شي تاكلة بيكون فيه سعرات حرارية (بروتين وكربوهيدرات ودهون) واذا طفت احتياجك منها راح تمتن مهما كان مصدر اكلك، والعكس اذا اكلت اقل من احتياجك. -
ثقف نفسك واعرف احتياجك، وراح تعرف شنو وشكثر تاكل، وسلامتكم.