حبال المعركة Battle Ropes

تمارين الكارديو (التمارين الهوائية) ضرورية وأساسية في أي برنامج تدريبي، والتنويع في تمارين الكارديو وشدتها مهم جداً إذا كنت تبي لياقة وحرق أكثر.
-
حبال المعركة (الإسم وايد بايخ بالعربي) تعطيك تمرين شامل لجميع عضلات الجسم وبنفس الوقت ترفع لياقتك وقدرتك على حرق الدهون بشكل ملحوظ... -
شنو يميز حبال المعركة؟
-
1⃣ تقدر تستخدمها في البيت أو النادي أو أي مكان تبي.
2⃣ سعرها معقول (وايد ارخص من اجهزة تمارين الكارديو التقليدية)
3⃣ تقدر تستخدمها حق كل عضلات جسمك (تمرين شامل)
4⃣ تقدر تستخدمها بإتجهات وحركات مختلفة، وهالشي بيقوي مفاصلك وبيعطيها مرونة أكثر، بالاخص مفاصل الكتف.
5⃣ تقدر تتحكم بشدة التمرين عن طريق اطالة او تقصير مسافة الحبل وأيضاً عن طريق زيادة او تقليل السرعة.
-
شلون تستخدمها؟ -
راح تلاقي آلاف الفيديوات والبرامج لجميع المستويات (مبتدأ، متوسط، متقدم) على اليوتيوب... شوف الفيديوات وتعلم الروتين والحركات المختلفة وبلش تتحدى نفسك في التمرين... فقط اكتب battle rope workout وراح يكون كل شي واضح حتى لو ما كنت تعرف إنجليزي.
-
شاركونا تجاربكم مع تمارين الحبال في الكومنت تحت عشان الكل يستفيد 👇🏻👇🏻👇🏻