التحكم في الشهية

الشهية تزيد لأسباب وايد... سواء لخلل في الهرمونات او السهر اواسباب نفسية/عاطفية...أسباب وايد. -
أكيد لازم تعالج السبب عشان ترجع شهيتك طبيعية، لكن الأهم من هذا كله هو انك تحاول تتحكم في نفسك قدر الأمكان عشان ما يزيد وزنك وقتها أو اذا زاد مايزيد وايد... وهذي بعض الاستراتيجيات الي ممكن تساعدكم:
-
1⃣ وزع أكلك صح وخل وجباتك صغيرة واكل كل ساعتين الى ٣ ساعات.
2⃣ ابتعد عن الخرابيط وركز على الاغذية الطبيعية والصحية دامك بتاكل اكثر.
3⃣ إشرب ماء وايد، وبتشوف شلون بتقل كمية اكلك.
4⃣ مارس الرياضة... تمشى او روح النادي... المهم تحرك واحرق زيادة.
5⃣ اكل بروتين اكثر... راح تشبع اكثر وهم لان الزيادة في البروتين صعب تمتنك.
6⃣ كثر من الاغذية العالية بالالياف... مثل الخضار والفواكه والقمح الكامل والبطاطا الحلوة والمكسرات... بيشبعونك فترة أطول.
7⃣ احرص على وجود الدهون الصحية في وجباتك وسناكاتك (زيت زيتون، مكسرات، افوكادو... الخ) وراح تشبع اكثر وبتطول عملية الهضم اكثر، لكن احرص على تناول كميات معتدلة فقط.
8⃣ وخر عن الملح والسكر لانهم ماراح يفيدون صحتك وهم راح تجوع بسرعة بعدهم.
9⃣ لا تاكل بسرعة، اكل بطيء وعد عقلك مجال يستوعب انك شبعت.
🔟 نام عدل، قلة النوم بتزيد الشهية وايد.
-
يعني وبكل اختصار... شد حيلك وحاول انك ما تاكل وايد وتمتن، وشكراً.