قبل فترة كتبنا موضوع بعنوان "جم لازم أشيل" (تقدرون تراجعونه في مدونتنا)... واليوم نبي نكمل على الموضوع ونشرح نقطة وااااايد مهمة وتتعلق بالمبتدئين في رياضة المقاومة (الأثقال) وبالأخص فئة النساء.
-
أول شي، لازم نعرف بأن التطور في الأوزان وشدة التمرين مهم جداً في تمارين المقاومة، وهذا شي تكلمنا عنه من قبل، وعشان نفسرة بصورة أسهل... عشان تشوف نتيجة من التمرين، لازم يكون التمرين فيه تحدي لعضلاتك... كل جولة وكل تكرار، لازم تعطي من قلبك.
-
وايد مبتدئين، وبالأخص من فئة النساء، يتمرنون بوزن وايد أقل من قوتهم الفعلية، يعني قاعد يشيل وزن ويكررة ١٥ مرة، واهو بالصج يقدر يكررة ٣٠ مرة!! شلون بتشوف نتيجة، وانت مو قاعد تعطي من نفسك وتسوي كل الي تقدر عليه؟؟؟
-
وكذلك، العديد منهم، يمرن جميع العضلات بنفس الوزن! يعني تلاقي وحدة تشيل ٣ كيلو لجميع تمارين عضلات الباي والتراي والاكتاف والصدر والظهر والرجول! ماينفع هالشي وكلش غير منطقي... ما ينفع تمرين مركب مثل السكوات او البنش بريس (مركب يعني يشغل مجموعة عضلات مع بعض) تشيل فيه نفس الوزن الي تشيله في تمرين عزل مثل تمرين الاكتاف الجانبي او الباي تبادل بالدامبلز (هذيلة تمارين تعزل العضلة، يعني بس هالعضلة الي تشتغل) -
عشان تعرف جم لازم تشيل في كل تمرين، لازم تتحدى نفسك وتجرب، وهني راح تعرف الوزن الفعال (الي تحس فيه بالمجهود) لكل تمرين.
-
ملاحظة: مو قاعد نقول لكم تشيلون أكثر من طاقتكم، احنا فقط قاعد نقول لا تشيلون وزن تافه بالنسبة لقوتكم، حاول دايماً تشيل الوزن المناسب الي تقدر تتحكم وتركز فيه وتكررة حسب عدد التكرارات المطلوب في الخطة التدريبية.
-
نصيحة أخرى للمبتدئين: حاول انك تسجل اوزانك في كل جولة وتمرين، عشان تقدر تقيس تطورك.
-
تنويه: جميع مواضيعنا موجودة على موقعنا الالكتروني في خانة BLOG
-
أول شي، لازم نعرف بأن التطور في الأوزان وشدة التمرين مهم جداً في تمارين المقاومة، وهذا شي تكلمنا عنه من قبل، وعشان نفسرة بصورة أسهل... عشان تشوف نتيجة من التمرين، لازم يكون التمرين فيه تحدي لعضلاتك... كل جولة وكل تكرار، لازم تعطي من قلبك.
-
وايد مبتدئين، وبالأخص من فئة النساء، يتمرنون بوزن وايد أقل من قوتهم الفعلية، يعني قاعد يشيل وزن ويكررة ١٥ مرة، واهو بالصج يقدر يكررة ٣٠ مرة!! شلون بتشوف نتيجة، وانت مو قاعد تعطي من نفسك وتسوي كل الي تقدر عليه؟؟؟
-
وكذلك، العديد منهم، يمرن جميع العضلات بنفس الوزن! يعني تلاقي وحدة تشيل ٣ كيلو لجميع تمارين عضلات الباي والتراي والاكتاف والصدر والظهر والرجول! ماينفع هالشي وكلش غير منطقي... ما ينفع تمرين مركب مثل السكوات او البنش بريس (مركب يعني يشغل مجموعة عضلات مع بعض) تشيل فيه نفس الوزن الي تشيله في تمرين عزل مثل تمرين الاكتاف الجانبي او الباي تبادل بالدامبلز (هذيلة تمارين تعزل العضلة، يعني بس هالعضلة الي تشتغل) -
عشان تعرف جم لازم تشيل في كل تمرين، لازم تتحدى نفسك وتجرب، وهني راح تعرف الوزن الفعال (الي تحس فيه بالمجهود) لكل تمرين.
-
ملاحظة: مو قاعد نقول لكم تشيلون أكثر من طاقتكم، احنا فقط قاعد نقول لا تشيلون وزن تافه بالنسبة لقوتكم، حاول دايماً تشيل الوزن المناسب الي تقدر تتحكم وتركز فيه وتكررة حسب عدد التكرارات المطلوب في الخطة التدريبية.
-
نصيحة أخرى للمبتدئين: حاول انك تسجل اوزانك في كل جولة وتمرين، عشان تقدر تقيس تطورك.
-
تنويه: جميع مواضيعنا موجودة على موقعنا الالكتروني في خانة BLOG