شلون تثبت وزنك؟


سويت رجيم وضعفت والحين تبي تعرف شلون تثبت وزنك؟
-
أهم شيء في ثبيت الوزن هو توازن الطاقة (تاكل على قد حرقك)... لما كنت قاعد تتبع حمية لتنزيل الوزن، كنت قاعد تاكل أقل من إحتياجك، والحين لازم ترجع تزيد أكلك بالتدريج لغاية ما تتوازن كمية الاكل مع الطاقة المصروفة عشان تحافظ على وزنك.
-
لا تقع في الخطأ الي يقع فيه ٩٥٪‏ من الناس الي تضعف، وهو انهم يفتحون بالاكل وبشراهه ويرجعون وزنهم القديم وزيادة.
-
اذا كنت تبي شغلك يكون مضبوط، إحسب احتياجك من الطاقة (في وايد برامج يساعدونك على هالشي مثل
Myfitnesspal
أو استشير أخصائي تغذية)
-
هذي أهم النقاط الي بتساعدك تحافظ على وزنك:
-
1⃣ زيد اكلك بالتدريج، واكل باعتدال، لا تاكل اكثر من احتياجك.
2⃣ استمر في التمرين، واذا تقدر زيد التمرين، احرق الطاقة الزايدة من الاكل واستغلها في بناء العضلات
3⃣ إشرب ماي كفاية عشان يكون الايض عندك سليم
4⃣ نام كفاية ولا تسهر عشان أيضا تضمن بان الايض يكون سليم
5⃣ تحكم في كمية أكلك، اذا بتاكل وجبة شوي ثقيلة، خفف باقي وجبات اليوم
6⃣ حاول بان يكون اكلك اغلبة صحي
7⃣ إكل كفايتك من البروتين، ١.٥ الى ٢.٢ جرام لكل كيلو من وزن الجسم
-
بإختصار، وزنك زاد لانك كنت تاكل وايد وما تتحرك وهم لان طبيعة جسمك قابلة للزيادة، وضعفت لانك قللت اكلك وزدت نشاطك، اذا ما استمريت بهذه العادات الصحية السليمة راح يرجع وزنك نفس أول ويمكن زيادة... يعني نعم، لازم دايما تشد حيلك وتهتم في صحتك.
-
ملاحظة: أنظمتنا (الاشتراك الشهري واللايف ستايل) تصمم حسب الهدف، يعني سواء تبي تنزل وزنك أو تحافظ عليه، فقط قولنا شنو هدفك عند التسجيل.