شلون أضعف مع هالكثر أكل؟

العنوان: شلون أضعف مع هالكثر أكل؟!
-
هالسؤال عادةً يوصلنا من مشتركينا خاصة من فئة النساء، يستغربون لما يشوفون كمية الأكل في النظام والبعض منهم يقول بأنه ما يقدر يخلص أكله، فقررنا ننزل هذا البوست عشان نشرح نقاط مهمة جداً للمشتركين والمتابعين.
-
أولا: هل كمية الأكل فعلاً كبيرة؟
-
لاء، كمية الأكل في الواقع جداً مناسبة، لأنها مبنية على احتياجك من الطاقة والمغذيات، الشخص ممكن يحس بانها كمية اكل كبيرة لانه متعود ياكل كميات اقل لكن عالية جداً في السعرات والدهون (لهذا السبب زاد الوزن) بالاضافة الى ان كمية الاكل تكون أكثر للشخص الذي يمارس الرياضة، يعني باختصار، كنتوا تاكلون كميات اقل لكنها عالية في السعرات وبدون حركة، ومعانا صرتوا تاكلون احتياجكم مع التمرين.
-
ثانيا، لا تقارنون انظمتنا الغذائية مع انظمة التجويع الي سويتوها من قبل.
-
اغلب الناس تعودوا على انظمة التجويع، وصاروا يعتقدون بأن الحمية الغذائية دائما تكون بهل صورة (أكل قليل، جوع شديد، وبعدها شراهه في الاكل وزيادة في الوزن) وهذا الي احنا مستحيل نسويه مع أي شخص، أنظمتنا مصممة حسب احتياجك انت. -
ثالثاً، شلون قاعد نحدد احتياجك؟
-
حسب عمرك وطولك ووزنك وجنسك ونشاطك الحركي وحالتك الصحية، جميع هذه العوامل تدخل في تحديد احتياجك من الطاقة والمغذيات، وكثر ما تكون نشيط وحركي، كثر ما يزيد احتياجك من الطاقة والمغذيات.
-
نصيحة للكل، سواء كنت مشترك معانا او متابعنا فقط، لا تتبع نظام غذائي قاسي، الجسم يحتاج للطاقة ويحتاج للمغذيات، واطلاقا مو قاعد تخدم هدفك ولا صحتك لما تعيش على اكل قليل جداً، تعلم بانك تزيد حرق جسمك اكثر بدال ما تقلل استهلاكك للاكل، مارس الرياضة ونام عدل واشرب ماء كفاية واكل عدل ومع الوقت راح تشوف شلون صحتك تتحسن وحرقك يزيد. -
لمشتركينا: شد حيلك وخلص أكلك.