خلك بطل واشرب قهوتك سادة

القهوة تحتوي على نسبة عالية من مضادات الأكسدة، ولهذا السبب تم ربطها مع تقليل نسبة الاصابة بامراض السرطان وارتفاع ضغط الدم وأمراض القلب، وكذلك وجدوا بأن استهلاك كوبين الى ثلاث في اليوم تقلل من خطورة الاصابة بمرض السكري من النوع الثاني، مو بس هذا، القهوة السادة مافيها سعرات! يعني تقدر تضيفها الى نظامك الغذائي وانت مرتاح.
-
زين شنو مشكلة القهوة مع الاضافات؟ -
مشكلة الاضافات هي أن أغلبها غير صحية، وتضيف سعرات (خاصة من السكر والدهون) الى نظامك الغذائي بدون لا تحس فيها.
-
فكر بنفسك وشوف كم ملعقة سكر تحط في القهوه، وكم ملعقة كريم أو حليب وغيرة من الاضافات، وهم فكر كم كوب قهوه تشرب في اليوم مع هذه الاضافات، راح تلاقي كمية لا يستهان بها من السكر والدهون والسعرات.
-
منظمة القلب الامريكية أوصت بعدم تجاوز ٣٧ جرام من السكر في اليوم كقاعدة صحية عامة، لكن في ناس قاعدة تطوف هالكمية من السكر في كوب واحد فقط من القهوة!
-
حاس الموضوع فيه نوع من المبالغة؟ -
إدخل أي موقع لأي كافيه عالمي، وشوف كمية السكر في منتجاتهم، راح تنصدم من الأرقام.
-
كافي موكا حجم وسط (العادي وبدون اضافات) فيه ٤٢ جرام كربوهيدرات أغلبها من السكر.
-
لما تشرب قهوتك وفيها اضافات غير صحية مثل السكر والدهون، انت قاعد تلغي فوائد القهوه وقاعد تخرب رجيمك وانت مو حاس.
-
لهذا السبب نقولك، خلك بطل وتعلم تشرب قهوتك سادة، عشان تستفيد صح، وشكراً.