شلون تقيس أكلك صح

عشان تقدر تحسب كمية أكلك بدقة، راح تحتاج:
-
أكواب قياس الأغذية الجافة
أكواب قياس السوائل
ميزان إلكتروني
ملاعق القياس -
جميعهم متوفرين في قسم الأواني وأدوات المطبخ
-
الحين خل نتكلم عن الاداة والطريقة الصحية لكل نوع من الأغذية.
-
النشويات:
-
النشويات مثل الرز والباستا والبطاط والكينوا يفضل بأن تقاس بعد الطبخ (يصير قبل الطبخ بس بعد الطبخ وايد أسهل) أما الشوفان فيفضل قياسة قبل الطبخ (لان وايد ناس ما تطبخة) وتقدر تقيس النشويات بإستخدام الميزان الالكتروني أو أكواب قياس الاغذية الجافة
-
اللحوم والاسماك والدواجن:
-
يفضل بأنك تقيسها قبل الطبخ لأنها راح تفقد من وزنها أثناء الطبخ، وتختلف نسبة الوزن المفقود حسب نوع طريقة الطبخ (مشوي، مسلوق، الخ) ومدة الطبخ، في ناس تقيسها بعد الطبخ عادي، لكن الافضل والادق هو قياسها قبل الطبخ، ودائما استخدم الميزان الالكتروني لقياسها.
-
الفواكة والخضروات:
-
أما انك تقيسها بالحبة (موزة، ٥ تمرات، الخ) أو باستخدام أكواب قياس الاغذية الجافة (كوت توت او عنب، كوب سلطة، الخ) -
السوائل (عصير، لبن، حليب، الخ)
-
دائما تقاس باستخدام كوب قياس السوائل (يكون مدرج من ربع كوب الى كوبين وايضا يكون مدرج بالميلي لتر والأونصة)
-
الصلصات والزيوت:
-
صلصات السلطات والزيوت مثل زيت الزيتون، دائما تقاس بملاعق القياس (تباع كطقم)، وأي وصفة طعام يكون مكتوب فيها ملعقة شاي أو ملعقة طعام، القصد هنا هو استخدام هذه الملاعق لانها ادق من الملاعق العادية.
-
الخلاصة: إذا كنت تتبع نظام محسوب، لازم تستخدم أدوات القياس بالطريقة الصحيحة لضمان الدقة، وطبعا أي شي مو مذكور في البوست، اتبع ارشادات النظام، يعني اذا مكتوب كوب فول "مطبوخ" يعني تقيسة بعد الطبخ، وشكراً.