ما هو سر نجاحك في خسارة الوزن؟

كلنا ندري انك تحتاج تلتزم بالتغذية السليمة والرياضة لخسارة الوزن، لكن في شيء وايد أهم من كل هذا، وهو إلتزامك. .
.
الإستمرار بالإلتزام بالتغذية السليمة وممارسة الرياضة وايد أهم من نوع النظام الغذائي والرياضي الي تتبعه. ..
.
فكر فيها شوي، لو عندك أفضل نظام غذائي من أفضل أخصائي تغذية مع أفضل خطة تدريبية من أفضل مدرب، كل هذا ماراح يفيدك إذا ما قدرت تلتزم فيهم وتستمر. .
.
وهذه هي مشكلة الأغلبية، تلاقيهم يبحثون عن الأخصائي أو المدرب الي يعطيهم نتيجة سريعة، لكن عن طريق نظام قاسي، ومثل ما كلنا عارفين ان الإلتزام والإستمرار بالإلتزام وايد صعب مع هذا النوع من الأنظمة، وهنا بتلاقي نفسك ضعفت في البداية لغاية ما وصلت مرحلة ما تقدر تستمر فيها وبعدها رجعت لعاداتك السابقة ومتنت ولا كأنك سويت شيء. .
.
حط في بالك أن الإستمرار بالمحاولة والفشل مع هذه النوعية من الأنظمة ما وراه إلا الشعور بالإحباط. .
.
فإذا كنت فعلاً تبي تنجح في خسارة الوزن، طبق التالي:
.
إستمر بالإلتزام ولا تستسلم، خل غذائك متوازن وتمرن عدل وخلك نشيط خلال يومك، وإذا صارلك ظرف وما قدرت تلتزم يوم، مافي مشكلة، ارجع والتزم بعدها مرة ثانية وكأن ماصار شيء. .
.
اعتمد هذا الفكر وبتلاقي نفسك من الناجحين في خسارة الوزن بإذن الله.