في الحركة بركة


حاول انك تستغل كل فرصة تقدر تتحرك فيها... لأن كل خطوة وكل حركة تعني حرق سعرات حرارية أكثر... وهذا بيساعدك وايد في مشوارك لخسارة الوزن (هذا غير الفوائد الصحية الأخرى للحركة) .
واليوم بنعطيكم بعض النصائح والطرق لزيادة النشاط الحركي خلال يومك. .
🔹في المنزل:
.
▪إستخدم جهاز المشي أو الدراجة أو مارس تمارين الإطالة وأنت تطالع تلفزيون أو أثناء القراءة.
▪إغسل سيارتك بنفسك. ▪إستخدم معدات التنظيف العادية بدل الكهربائية.
▪حاول تقوم نصف ساعة أبكر عشان تمشي ٣٠ دقيقة في بداية يومك.
▪تمشى وانت تتكلم بالتلفون.
.
🔹في العمل:
.
▪إستخدم السلم بدل المصعد قدر الإمكان.
▪إختار مسفط بعيد شوي وإمشي (إذا الجو يسمح) ▪إمشي أثناء أي استراحة/بريك تحصلها. ▪مارس تمارين الإطالة وانت على المكتب.
▪قوم وزور زملائك وسلم عليهم بدل الإتصال بالتلفون.
▪تمشى في مكتبك وانت تتكلم بالتلفون.
▪إستخدم الكرة السويسرية بدل الكرسي العادي إذا عملك يسمح. .
🔹وانت طالع:
.
▪اسفط بعيد شوي وامشي.
▪تمشى وسولف مع ربعك في المجمع بدل القعدة في الكافيهات. ▪إذا مشوارك قريب، روح له مشي بدل استخدام السيارة.
▪روح الممشى أو امشي في الفريج وصفي ذهنك في نهاية اليوم.
.
🔹أثناء السفر:
.
▪تمشى في المطار لغاية وقت طيارتك ولا تستخدم السير المتحرك.
▪مارس تمارين الضغط والمعدة والسكوات بوزن الجسم وانت في غرفة الفندق.
▪اصحى نصف ساعة مبكر وتمشى حول الفندق في بداية يومك.
▪إمشي اذا المشوار قريب وحاول انك تمشي وايد اثناء السفر بشكل عام.
.
طبعاً هذه كلها طرق لزيادة نشاطك الحركي اليومي غير التمرين... طبق منها الي ينطبق على حالتك وظروفك... وسلامتكم يالربع.
.
#في_الحركة_بركة