إذا ما تستخدمها، راح تخسرها

نعم قاعد نتكلم عن عضلاتك... إذا ما إستخدمتها، راح تخسرها... الموضوع بهذه البساطة يالربع.
.
كتلتك العضلية هي ناتج تكيف جسمك مع نشاطك الحركي العالي... يعني جسمك بنى العضلات عشان يقدر يتكيف مع مجهودك ونشاطك.
.
وطبيعي جداً إنك تخسر عضلاتك عند توقف/إنقطاع هذا المجهود البدني، وهذا واقع يعيشة كل رياضي.
.
عند الإنقطاع عن ممارسة الرياضة لمدة أيام أو أسابيع، تصبح العضلات مرتخية، وتبدء الألياف العضلية بتكسير بروتيناتها، والناتج بيكون عضلات أصغر وأضعف.
.
والألياف العضلية ممكن تستبدل بالأنسجة الليفية إذا استمر الإنقطاع عن التمرين/النشاط الحركي لفترة طويلة.
.
ظروف الحياة ممكن تجربنا أحياناً، لكن على الأقل حاول انك نطبق التالي:
.
1⃣ عدل كمية أكلك بحيث توازن نشاطك الحالي عشان ما تزيد من كتلتك الدهنية.
.
2⃣ ركز على تغطية إحتياجك من البروتين لأن هالشيء ممكن يبطىء من عملية الهدم العضلي. .
3⃣ حاول قدر الإمكان إنك تتمرن مرتين في الأسبوع على الأقل عشان ما تخسر وايد عضلات. .
4⃣ حاول كثر ما تقدر إنك تحل مشاكلك (تعالج اصابتك، تخلص شغلك، الخ) بأسرع وقت عشان ما تطول قطعتك.
.
هالموضوع ممكن يكون محبط للعديد من الرياضيين... لكن هذا لا يعني انك بترجع تبني جسمك وقوتك من الصفر... لأن بمجرد عودتك للتمرين، بتلاحظ أن قوتك وعضلاتك قاعد ترجع لك بسرعة عالية نسبياً (بسبب ما يسمى بالذاكرة العضلية)... وسلامتكم يالربع.