مابي عضلاتي تصير ضخمة

بالنسبة للنساء الي مازالوا يخافون من التمرين بالأوزان بحجة أنها بتخلي شكلهم ضخم ورجولي نقولهم هذا البوست لكم عشان توضح معاكم الصورة.
.
أولاً، كلنا عارفين بأن مستويات هرمون التستوستيرون عند النساء وايد أقل من الرجال، يعني قدرة المرأة على بناء العضلات وايد أقل من قدرة الرجل.
.
ثانياً، عملية بناء العضلات وايد صعبة وتحتاج مجهود و وقت طويل... يعني لا تتوقعين تصير عضلاتك كبيرة وضخمة بفترة قصيرة.
.
ثالثاً (وهي أهم نقطة)، الضخامة العضلية بشكل عام تحتاج إلى أوزان ثقيلة مع "أكل وايد"... يعني وايد صعب تصيرين "ضخمة" وانتي ماشية على نظام غذائي مصمم لخسارة الدهون والوزن (سعرات أقل من إحتياجك) حتى لو شلتي أوزان ثقيلة.
.
الحين بالنسبة للي بيقول "بس وايد نشوف بنات في الإنستاغرام ولا في النادي عضلاتهم كبيرة، وما نبي نصير نفسهم" بنقولة:
.
صحيح، في وايد بنات معضلين، وهذا طبعاً بإختيارهم والكل حر في حياتة وأهدافة، لكن ثقوا ١٠٠٪؜ بأن هالبنات تعبوا سنين عديدة وتدرجوا بالأوزان والتمرين والتغذية (أكل وايد) للوصول إلى هذه المرحلة (سواء كانت تتمرن طبيعي أو مع إستخدام هرمونات) .
الزبدة:
.
تبين جسم مشدود و رشيق؟ لازم تتبعين برنامج غذائي مصمم لخسارة الدهون مع برنامج تدريبي يشمل تمارين المقاومة (الاوزان) والتمارين الهوائية (الكارديو) .
وهابي ويكند يالربع.