بريطاني يخسر ١٢ كج بسب البوكيمون

مقال نشر على موقع السي أن أن الالكتروني بتاريخ ٢٩ يوليو ينقل قصة شاب بريطاني (سام كلارك) بعمر ٣٢ سنة والذي استطاع ان يفقد ٢٨ رطل (١٢.٧ كج) خلال ٢٠ يوم فقط!
-
قطع سام مسافة ٢٢٧ كم (تقريبا مسافة خمس ماراثونات) عشان يقدر يصيد ١٤٢ بوكيمون خلال عشرين يوم.
-
طبعاً إطلاقاً مو قاعد نقول لكم روحوا صيدوا بوكيمون عشان تضعفون، لاء، مو هذا الغرض من موضوعنا، نبي نقولكم ليش سام فقد من وزنه الكثير خلال فتره زمنية بسيطة.
-
سام كان وزنه ١٤٠ كج وهو متزوج وعنده ٤ اطفال وصاحب عمل، ونشاطة الحركي كان قليل جداً، بعد هبه لعبة البوكيمون، سام قام يتحرك ويمشي اكثر من ١١ كم في اليوم (خلك من موضوع انه كان يبي يصيد بوكيمون الحين)، وأيضاً لانه صار مشغول وايد في اللعبة والمشي، قل استهلاكه للطعام (خاصة الخرابيط اللي بين الوجبات).
-
ولأن وزنه جداً عالي بسبب عاداته الغذائية السيئة وبسبب قلة نشاطة الحركي، بمجرد انه بدء يتحرك ويمشي وقلل استهلاكه للاطعمه العالية بالدهون والصوديوم، بدون لا يحس بنفسه وزنه بلش ينزل (عن طريق فقد الدهون والسوائل المحبوسة)
-
خلاصة الموضوع: تبي تضعف؟ اكل باعتدال وتحرك ولا تفكر بوزنك وايد، راح تلاقي وزنك ينزل وتضعف بدون لا تحس بتعب او ضغط نفسي.
-
منشن البوكيمونات خل يستفيدون.