تغيير العادات هو الحل الأمثل

تغيير العادات السيئة وإستبدالها بعادات صحية يضمن لك الحصول على النتائج والحفاظ عليها في المدى الطويل، وهذا أهم من أي شي ثاني... نشرحها شوي أكثر.
-
عاداتك السيئة (قلة الحركة، التغذية السيئة، السهر، الخ) هي سبب زيادة وزنك وتدهور صحتك في المقام الأول... فإذا كنت فعلاً جاد في حل هذه المشكلة، الأفضل والأصح هو إنك تركز على الأسباب وطريقة علاجها.
-
فكر فيها شوي:
-
واحد يقول أبي أضعف ١٠ كيلوات... هدف حلو وممتاز، لكنه وايد سطحي، وغالبا الي يفكر بهذه الطريقة بيدور على أسرع طريقة للوصول إلى هذا الهدف، وكذلك غالبا بتلاقيه يرجع الى عاداتة السيئة السابقة بعد ما يوصل الى هذا الهدف ويرجع إلى نقطة البداية كأنه ما سوا شي.
-
أما الشخص الي يقول... أبي أخلي الرياضة جزء أساسي من حياتي... أبي أكلي يكون أغلبة صحي وباكل بكميات معتدلة... أبي أنام عدل وأوخر عن السهر... الخ.
-
هذا تركيزة على أساس المشكلة... وبديهي إذا حقق كل هذه الأهداف بتتحسن صحتة وايد وبيوصل إلى وزنه الطبيعي... والأهم من هذا كله هو:
-
"راح يستمر في التحسن والحفاظ على هذه النتائج لأن عاداتة تغيرت وصار يعيش نمط حياة صحي"
-
يعني:
-
1⃣ خطط وجباتك عدل (عشان لا تضطر انك تخربط) وخل أكلك معتدل (٨٠٪‏ صحي، ٢٠٪‏ طيب فيها خاطرك)
2⃣ نام عدل ولا تسهر.
3⃣ خلك حركي (تمرن ساعة يوميا أو إمش ١٠ الاف خطوة أو الاثنين مع بعض)
4⃣ طول بالك وراح توصل الى هدفك وتحافظ عليه.
-
وصلت؟ -
غير عاداتك وخلك صحي وكل شيء ثاني تبيه بيي معاه... وشكراً.