ليش وزني ما ينزل؟


وايد نشوف بالتعليقات والدايركت ناس تسأل عن سبب عدم نزول الوزن بالرغم من التزامهم "برجيم" معين... شخص يقول قاطع الكربوهيدرات وثاني يقول قاطع السكر وواحد يقول متبع نظام قليل في السعرات... الخ. -
فقلنا لازم نرد عليهم في بوست عشان الكل يستفيد كالعادة.
-
بكل إختصار... السبب غالباً هو أن العديد من الي يتبعون حمية يقدرون كمية أكلهم ونشاطهم اليومي خطأ! -
وايد دراسات تبين هالموضوع، لكن بنستخدم دراسة واحدة منهم للتوضيح.
-
في الدراسة فحصوا المشاركين ولقوا بأن معدل حرقهم طبيعي، لكنهم كانوا يدعون بأن وزنهم ثابت بالرغم من التزامهم بنظام غذائي قليل في السعرات الحرارية (لا يتعدى ١٢٠٠ كالوري)... وفي الواقع العموم كان يبالغ في حرقة اليومي بنسبة تفوق ال٥٠٪‏ وبنفس الوقت كان ياكل وايد أكثر من الكمية الي ذكرها (٤٠٪‏ أكثر على الأقل) -
وفعلاً هذا واقع الأغلبية، يعتقدون بأن حرقهم عالي وبأن أكلهم قليل والحقيقة العكس تماماً.
-
فإذا كنت ماشي على رجيم ووزنك ثابت، ننصحك بالتالي:
-
1⃣ راجع طبيب وتأكد ان ما عندك مشاكل صحية تمنعك من نزول الوزن.
2⃣ إحسب أكلك صح ولا تقدر الكمية بالنظر (استخدم الميزان وأكواب القياس)
3⃣ إذا ما تعرف تحسب، راجع أخصائي تغذية عشان يضبط لك جدول يغطي احتياجك (لا تألف وتضيع وقتك)
4⃣ حط لك مذكرة وسجل فيها نشاطك اليومي واكلك وشربك ونومك (راح توضح معاك الصورة اكثر لما تسجل كل شي)
-
وبالنسبة للملقوف الي بيقول انه ما يحسب اكله ووزنه ينزل وما عنده مشاكل، نقوله مبروك والله يوفقك... بس مو قاعد نتكلم عنك... قاعد نتكلم عن الشخص الملتزم برجيم ووزنة ثابت... وشكراً. -
رابط الدراسة: -
https://www.ncbi.nlm.nih.gov/m/pubmed/1454084/