أهمية الدعم

الكل يحتاج الدعم المعنوي بدون أي استثناء... ماراح تقدر تسوي كل شي بروحك لو منو تكون... لكن لازم تفهم بأن محد يقدر يساعدك ويوقف معاك ويشجعك إلا اذا كان فاهم وضعك وظروفك واهدافك الي تبي توصلها.
-
شكثر تلاقي ناس تقول "أهلي كله يضحكون علي لما اقولهم مسوي رجيم" أو "ربعي مقزرينها علي ضحك لاني سجلت في نادي" وغيرة من المواقف الي بتصعب طريقك في الوصول الى هدفك... وهذا شيء طبيعي وشائع، والسبب غالباً هو انك ما تواصلت معاهم وكلمتهم وشرحت لهم ظروفك.
-
تواصل مع أهلك وزوجتك وزوجك واختك واخوك وربعك وكل الناس القراب منك وفهمهم وعلمهم واشرح لهم أهدافك، وغالباً بتلاقيهم عون وسند لك.
-
كلنا نحتاج هذا الدعم المعنوي... لان بدونه، الطريق بيكون وايد أصعب... ساعدوا بعض يالربع.