الجبن القريش

يتميز هالنوع من الجبن عن غيرة بكمية البروتين الي فيه مقارنة بالسعرات الحرارية... نصف كوب (١١٠ غرام) من جبن القريش قليل الدسم يعطيك:
-
89 kcal
2.5g fat
5.2g carbohydrates
11.5g protein
-
تقدر تستخدمة وتضيفة حق أي شي تبي... تضيفة للسلطة أو للبيض أو تخلطة مع الفواكه أو الباستا أو تاكله حاف (لحالة) أو تستخدمة في وصفات الحلويات.
-
ممتاز كسناك عالي بالبروتين للمتكممين أو أي شخص مو قادر يصكر احتياجة من البروتين وما يحب يستخدم مكملات البروتين. -
الجبن القريش يعتبر مصدر جيد لفيتامين أي و فيتامين د وفيتامينات ب، ويعتبر مصدر ممتاز للكالسيوم والفسفور والسيلينيوم. -
هالخصائص تخليه اختيار ممتاز حق أي شخص يبي يضعف (بروتين عالي وسعرات قليلة) ومفيد لصحة المرأة وبالأخص الحامل والمرضعة (ملغوم بالكالسيوم و بفيتامينات ب) ومفيد لصحة العظام أيضاً.
-
بالنسبة للشخاص الي ما يقدرون يتحملون اللاكتوز، النصف كوب فيه تقريبا ٤ غرام من سكر اللاكتوز بس، يعني اقل من نصف الكمية الموجودة في كوب الحليب.