مافي أسهل من خسارة الوزن

مافي أسهل من "خسارة الوزن" يالربع... اي نعم، وايد سهل انك تقلل وزنك على الميزان... بس مثل ما قلنا وايد من قبل "وزن أقل على الميزان لا يعني بالضرورة انك خسرت دهون"... والعكس أيضا صحيح "زيادة الوزن على الميزان لا تعني بالضرورة انك زدت دهون"... نوضح أكثر ببعض الامثلة:
-
وزنك بيقل إذا:
-
🔹 عرقت وايد 🔹 دخلت الحمام 🔹 قللت الملح 🔹 قطعت الكربوهيدرات
-
ولا واحد من هذه الامثلة تعني انك خسرت دهون... كل الي خسرتة هو الماء... بالاخص سالفة قطع الملح والكربوهيدرات... جسمك بيفقد "ماء" والميزان بيقل وهذا الشي ممكن يخدعك ويخليك تعتقد بأنك ماشي صح وأن هذه هي الطريقة المناسبة لك لانك شفت نتائج عليها! -
زين، شلون عيل تخسر الدهون؟ -
الجواب بكل إختصار:
-
🔹 اكل سعرات أقل من حرقك (بكمية معقولة)
🔹 اكل بروتين كفاية.
🔹 تمرن (مقاومة وكارديو)
🔹 خلك مرن بنظامك عشان تقدر تستمر.
-
لا تضيع وقتك وتدور طرق مختصرة... شوف الامثلة حوالينك (او يمكن انت بعد مريت فيها) وبتلاقي وايد يضعفون وبطرق مختلفة، بس بعدها بيرجع يمتن ولا كأنه سوى شي.
-
لاحظ بأن اغلب الي يركزون على الميزان يفشلون... واغلب الي يركزون على صحتهم وشكلهم ولياقتهم وعافيتهم ينجحون... ليش؟ لان الاول بيدور أسرع وأسهل الطرق لخسارة الوزن.
-
فشدّوا حيلكم يالربع 💪🏻 وجمعة مباركة.