لازم أحسب سعراتي؟


نبذة سريعة عن السعرات الحرارية:
-
السعرات الحرارية هي وحدة لقياس الطاقة... وتحديداً، الكيلو كالوري هو كمية الطاقة اللازمة لزيادة درجة حرارة كيلو من الماء درجة سيليزية واحدة... نستخدم وحدة القياس هذي لقياس كمية الطاقة الي تصرفها أجسامنا، وكمية الطاقة الي نحصلها من الطعام والشراب.
-
يعني بالعربي، كل شي تاكلة وتشربة بيعطيك طاقة دام فيه بروتين وكربوهيدرات ودهون وجسمك على مدار الساعة يصرف طاقة (عمليات ايضية، نشاط حركي، التاثير الحراري للطعام)... يعني نقدر نقيس الطاقة الي ناخذها من الطعام، وايضا نقدر نقيس الطاقة الي تصرفها اجسامنا خلال اليوم باستخدام وحدة قياس الطاقة (السعرات الحرارية) -
الحين بنجاوب على السؤال "لازم أحسب سعراتي؟"
-
الأصح والأفضل هو إنك تحسب سعراتك مع مراعاة التوازن في كمية المغذيات الي يحتاجها جسمك... بتكون قاعد تاكل الكمية المناسبة لك وبتقدر تضيف أصناف تحبها بحرية أكبر... وغالباً بتتجنب المشاكل الصحية الناتجة عن قلة الطاقة والمغذيات...
-
زين والانظمة الي ما تحسب السعرات؟ شنو موضوعها؟
-
جميعها مبنية على نفس المبدء وهو تقليل السعرات الحرارية بطريقة عشوائية عن طريق إلغاء أو التقليل قدر الإمكان من أصناف معينه من الطعام (حتى لو كان صحي) مثل الغاء مصادر الدهون المفيدة ومصادر البروتين الغنية بالدهون مثل السلمون والستيك ومصادر النشويات والفواكة والألبان، والإعتماد فقط على أصناف قليلة جداً بالسعرات مثل صدر الدجاج والسمك الابيض والخضروات وغيرة... وغالباً يكون التقليل بمعدل أكثر من ٥٠٠ كالوري تحت إحتياجك (اذا متابعنا راح تعرف ليش هالشي مضر لك) -
ليش حساب السعرات والمغذيات أفضل من الاعتماد على وزن الطعام فقط؟
-
لأن مصادر البروتين بنفس الأوزان تختلف عن بعضها في محتواها الغذائي... وكذلك الحال مع جميع مصادر الطعام الاخرى (نشويات/دهون/الخ)
-
بإختصار، إذا قاعد تاكل أقل من إحتياجك للتنشيف/تخسيس راح تضعف، لكن استهلاكك للطاقة والمغذيات بيكون عشوائي حسب إختياراتك إذا كنت معتمد على وزن الأكل فقط بدون معرفة قيمتة الغذائية.