شنو آكل عشان أضعف؟


الجواب على هذا السؤال جداً بسيط... إكل أقل
-
زيادة الوزن أو نقصان الوزن يعتمد على كمية السعرات المستهلكة والمصروفة مثل ما ذكرنا في بوستات سابقة... تبي تتبع نظام قليل في الدهون او الكربوهيدرات، تبي تسوي اتكنز، تبي تسوي باليو، ما يفرق (من ناحية نزول الوزن) طول ما انت قاعد تحرق أكثر وتستهلك أقل
-
في تجارب علمية، قارنوا انظمة غذائية متساوية في السعرات الحرارية ولكن تختلف في المكونات (١٥٪‏ بروتين و ١٥ الى ٨٥٪‏ كربوهيدرات و ٠ الى ٧٠٪‏ دهون) لقوا بان العامل الاساسي لخسارة الوزن هو كمية الطاقة وليس النسب المختلفة من المغذيات... وفي تجارب اخرى قارنت بين الانظمة العالية في الكربوهيدرات والانظمة العالية في البروتين لمدة ٦ و ١٢ اسبوع ولم يجدوا أي اختلاف في النتائج من ناحية نزول الوزن
-
وفي تجربة اخرى، تناول المشاركون كمية طعام تفوق احتياجهم لمدة ٨ اسابيع وطبعاً زاد وزنهم بسبب السعرات العالية، لكن لوحظ بان المشاركون اللي تناولوا نسب اعلى من البروتين، زاد عندهم معدل الحرق والكتلة العضلية
-
وأيضاً، هناك دراسات وتجارب توضح بان استهلاك نسبة اعلى من البروتين تساعد على الحفاظ على الكتلة العضلية وزيادة حرق الدهون اثناء خسارة الوزن مثل ما ذكرنا في بوستات سابقة
-
بإختصار، خسارة الوزن تحدث عندما تصرف طاقة اكثر من الطاقة المستهلكة، وهالشي ممكن يتم عن طريق تقليل الاكل او زيادة النشاط الحركي او الاثنين
-
زين شنو سالفة الانظمة الغذائية السحرية اللي تطلع لنا كل يوم؟
-
جميع الانظمة الغذائية اللي لها اسم "اتكنز، باليو، الخ" تعتمد على نفس المبدء، وهو انك تاكل اقل، اما عن طريق الغاء مجموعات غذائية، او عن طريق اتباع قواعد تمنعك من الافراط في الاكل (اذا خربطت صوم، لا تاكل قبل النوم بعدد من الساعات، ابتعد عن اصناف معينة، اكل كميات مفتوحة من اصناف معينة... الخ)... في النهاية، كل هذا ما يفرق دام قاعد اقل وتحرق اكثر
-
ملاحظة: البوست هذا يتكلم عن خسارة الوزن فقط، والهدف منه هو نفي المعتقدات الخاطئة المنتشرة عندنا
-
:المصادر
-
1- leibel RL, et al. Energy intake required...1992.
2- Golay A, et al. Similar weight loss with low... 1996.
3- Luscombe-Marsh ND, et al. Carbohydrate-restricted diets... 2005.
4- Bray GA, et al. Effects of dietary protein content... 2012.
5- Noakes M, et al. Effects of energy-restricted high protein... 2005.