نصيحة ممكن تغير حياتك

تبي تغير شكلك وصحتك للأفضل بس ما تبي تلتزم في خطة او ما تبي تغير حياتك بشكل جذري؟ -
بسيطة... اليوم بنقولك شلون تقدر تتغير عن طريق اتباع قاعدتين، وهم:
-
1⃣ دائماً حاول تختار الطعام والشراب المغذي بدلا من الخرابيط... وهذي بعض الامثلة للتوضيح:
-
🔹 اشرب الحليب او اللبن القليل الدسم بدل العصائر والمشروبات الغازية.
🔹 اختر الفواكه والمكسرات بدل الكاكاو والحلويات.
🔹 اختر البطاط المطبوخ بالفرن بدل البطاط المقلي.
🔹 اكل صدر الدجاج المشوي بدون جلد بدل الدجاج المقلي.
🔹 اخذ بسكوت مصنوع من القمح والزبيب بدل البراوني.
🔹 اشرب قهوه مثلجة عادية بدل الفرابتشينو.
-
2⃣ اذا ما حصلك الاختيار الصحي، قلل من كمية الخرابيط... وهذي بعض الامثلة التوضيحية:
-
🔹 اشتر سنكرز ميني (الصغير) بدل العادي.
🔹 اطلب تشيز برغر صغير بدل البيغ ماك.
🔹 اكل طبق صغير بدل ما تلحس الصينية كلها.
-
وصلت الفكرة؟ -
كل الي قاعد نحاول نقولة هو انك تملك الخيار في جميع الاحوال... ولا تحاول تقنع نفسك بان الموضوع خارج عن ارادتك وانك ما تقدر تتحكم فيه... لان في النهاية، انت الي بتمسك الاكل وتحطه في بطنك... فعلى الاقل، اختار شي مفيد... وان ما توفر، اكل كمية اقل... وخلها عادة دائمة ومستمرة وبتشوف شلون حياتك تتغير، وسلامتكم.
-
ملاحظة: الخرابيط هنا تعني الاغذية القليلة جدا بقيمتها الغذائية.