شاد حيلك وملتزم بس مو قاعد تضعف؟
صممت نظامك صح بهدف خسارة الوزن (سعرات اقل من حرقك) أو ممكن راجعت أخصائي تغذية وعطاك نظام مضبوط والأرقام كلها سليمة (السعرات الحرارية والبروتين والكربوهيدرات والدهون) والتزمت بالنطام فترة لكن مو قاعد تخسر دهن! -
هالحالة تصير مع وايد ناس، وممكن صارت معاك انت بعد، ولها اسباب عديدة، منها اسباب مرضية (تكلمنا عنها سابقاً) لكن اليوم بنتكلم عن الانسان السليم الي ما يعاني من امراض وملتزم بدايت لكن مو قاعد يشوف نتيجة ملحوظة.
-
قبل كل شي، نذكركم بالمعادلة البسيطة:
-
حرق أكثر من الطعام المتناول = خسارة وزن والدهون
-
اذا انت مو قاعد تخسر دهون (وصحتك سليمة) يعني بكل بساطة مو قاعد تحرق سعرات اكثر من السعرات الي تاكلها، حتى لو كان شغلك مضبوط على الورق، الواقع ممكن يكون شي ثاني، وبنعطيكم اكثر من سيناريو لهذه الحالة وباذن الله توضح عندكم الصورة اكثر.
-
🔹 غالباً، انت مو قاعد تاكل أقل من حرقك! شلون؟ -
ممكن قاعد توزن وتحسب اكلك غلط او مسلم الموضوع للأهل ولا الشغالة ومو قاعد يقيسون لك الاكل بالطريقة الصحيحة... ممكن شغلك كله مضبوط، ويوم الوجبة المفتوحة، تاكل سعرات تغطي النقص للاسبوع كله وزيادة بعد... ممكن قاعد ترش بخاخ الطبخ بكثرة وعبالك انه صج خالي من السعرات والدهون (كلش مو خالي من الدهون حتى لو مكتوب عليه صفر سعرات ودهون)... ممكن الاهل قاعد يطبخون لك بزيت زيادة عن نظامك وانت ما تدري... وغيرة من الاخطاء الي ممكن تصير.
-
🔹 في ناس تخسر دهون، لكن ما تلاحظ التغيير!
-
اي نعم، وايد اشياء ممكن تصير معاك بدون لا تلاحظ... ممكن تخسر دهون وتزيد عضلات ووزنك ثابت، وكل هذا صار وانت مو ملاحظ... ممكن تخسر دهون، بس جسمك حابس ماي بشكل مؤقت، هني ماراح تلاحظ فرق لا على الميزان ولا الشكل (بسبب وجبة مفتوحة، تستخدم منتجات دايت متروسة صوديوم وانت ما تدري، تاخذ دواء يسبب حبس ماي وانت ما تدري، الاسباب وايد)
-
طبعاً مو قاعد نتكلم عن ناس يعانون من امراض مزمنه، او نازلين وزن وايد وواصلين مرحلة ثبات... قاعد نتكلم عن شخص صحتة زينة، وبلش نظام غذائي وتمرين، لكن مو قاعد يشوف نتائج... -
زبدة الموضوع: اذا بلشت نظام وصارلك فترة وما شفت نتائج، راجع نفسك وحاول تشوف الخطأ وين... ممكن تكون نازل دهون وانت ما تدري، او ممكن يكون شغلك غلط وانت كذلك ما تدري... في كل الأحوال، لازم يكون في سبب.
-
شاركونا تجاربكم يالربع تحت في الكومنت 👇🏻👇🏻👇🏻
هالحالة تصير مع وايد ناس، وممكن صارت معاك انت بعد، ولها اسباب عديدة، منها اسباب مرضية (تكلمنا عنها سابقاً) لكن اليوم بنتكلم عن الانسان السليم الي ما يعاني من امراض وملتزم بدايت لكن مو قاعد يشوف نتيجة ملحوظة.
-
قبل كل شي، نذكركم بالمعادلة البسيطة:
-
حرق أكثر من الطعام المتناول = خسارة وزن والدهون
-
اذا انت مو قاعد تخسر دهون (وصحتك سليمة) يعني بكل بساطة مو قاعد تحرق سعرات اكثر من السعرات الي تاكلها، حتى لو كان شغلك مضبوط على الورق، الواقع ممكن يكون شي ثاني، وبنعطيكم اكثر من سيناريو لهذه الحالة وباذن الله توضح عندكم الصورة اكثر.
-
🔹 غالباً، انت مو قاعد تاكل أقل من حرقك! شلون؟ -
ممكن قاعد توزن وتحسب اكلك غلط او مسلم الموضوع للأهل ولا الشغالة ومو قاعد يقيسون لك الاكل بالطريقة الصحيحة... ممكن شغلك كله مضبوط، ويوم الوجبة المفتوحة، تاكل سعرات تغطي النقص للاسبوع كله وزيادة بعد... ممكن قاعد ترش بخاخ الطبخ بكثرة وعبالك انه صج خالي من السعرات والدهون (كلش مو خالي من الدهون حتى لو مكتوب عليه صفر سعرات ودهون)... ممكن الاهل قاعد يطبخون لك بزيت زيادة عن نظامك وانت ما تدري... وغيرة من الاخطاء الي ممكن تصير.
-
🔹 في ناس تخسر دهون، لكن ما تلاحظ التغيير!
-
اي نعم، وايد اشياء ممكن تصير معاك بدون لا تلاحظ... ممكن تخسر دهون وتزيد عضلات ووزنك ثابت، وكل هذا صار وانت مو ملاحظ... ممكن تخسر دهون، بس جسمك حابس ماي بشكل مؤقت، هني ماراح تلاحظ فرق لا على الميزان ولا الشكل (بسبب وجبة مفتوحة، تستخدم منتجات دايت متروسة صوديوم وانت ما تدري، تاخذ دواء يسبب حبس ماي وانت ما تدري، الاسباب وايد)
-
طبعاً مو قاعد نتكلم عن ناس يعانون من امراض مزمنه، او نازلين وزن وايد وواصلين مرحلة ثبات... قاعد نتكلم عن شخص صحتة زينة، وبلش نظام غذائي وتمرين، لكن مو قاعد يشوف نتائج... -
زبدة الموضوع: اذا بلشت نظام وصارلك فترة وما شفت نتائج، راجع نفسك وحاول تشوف الخطأ وين... ممكن تكون نازل دهون وانت ما تدري، او ممكن يكون شغلك غلط وانت كذلك ما تدري... في كل الأحوال، لازم يكون في سبب.
-
شاركونا تجاربكم يالربع تحت في الكومنت 👇🏻👇🏻👇🏻