شلون تقيم نتايجك

الأغلبية يقيمون النتائج من الميزان... وأكيد التغيير الايجابي في الوزن بيخليك تتشجع أكثر، لكنه مو دائما فعال في التقييم... الوزن ما ينزل أو يصعد بنفس المعدل وبشكل مستمر... لا، بتلاقيه ينزل ويصعد ويثبت كل يوم، وكل يوم بتشوف رقم ممكن يشجعك او يحبطك ويدمر معنوياتك... وفوق كل هذا، الرقم الي تشوفة مو دائماً يعكس شكلك.
-
واضح بعد هالكلام بنقول ان الشكل والمقاسات معايير أفضل لتقييم النتائج، وصح، وايد أفضل من الميزان لما تشوف الخصر صغر والكرشة خفت واللبس صار اوسع عليك... لهذا السبب احسن لك تاخذ مقاساتك بالمتر وتصور نفسك بين فترة واخرى عشان تقارن وتشوف الفرق... بس هم في اشياء ثانية وايد مهمه واغلب الناس ما تركز عليها... تعرفون شنو؟ -
اذا شفت تطور وتحسن في صحتك بشكل عام (كلسترول وسكر الدم والاملاح... الخ)... فإحرص انك تسوي فحوصات دورية... مرة في السنة او كل ستة شهور اذا تعاني من امراض مزمنه او عمرك فوق الاربعين.
-
كذلك اذا شفت تطور في لياقتك وقوتك وعضلات جسمك ومفاصلك صارت اقوى من قبل... فتابع ادائك في التمرين ولاحظ الفرق في الاوزان والتكرارات والنفس والمرونة... الخ.
-
واذا شفت نفسيتك ومزاجك تعدلوا... وصرت تقدر تستمتع وتنجز اكثر في حياتك اليومية... وإذا شفت أي تغيير ايجابي في حياتك... فهذا يعتبر إنجاز.
-
من الآخر، قيّم نجاحك من جميع النواحي وخلك فخور بإنجازاتك... بدل ما تحبط نفسك بسبب ميزان ما عنده القدرة على التقييم.
-
ولا شرايكم يالربع؟