الطريقة الأمثل لخسارة الوزن والمحافظة عليه

إذا ليلحينك قاعد تدور على الخلطة السحرية الي بتوصلك لهدفك بدون تعب ومجهود والتزام، بتكون من الملايين الي قاعد يضيعون وقتهم مع طرق وأساليب غير فعالة وما منها أي فائدة لك ولصحتك... الموضوع بسيط، لكن محتاج منك إرادة وإلتزام وإستمرارية عشان تقدر تعيش حياتك صح... إحرص على تطبيق هذه النقاط الخمس، وبتشوف شلون حياتك تتغير للاحسن.
-
1⃣ إضبط أكلك
-
مو قصدنا تعيش في حرمان، لاء، بس إعرف إحتياجك والكميات الي تناسبك، وخل اغلب اكلك صحي ومغذي، وكافىء نفسك بالوجبات/سناكات الفري بإعتدال.
-
2⃣ خلك نشيط وتمرن عدل
-
لا تصير كسول طوال الوقت... خلك حركي ونشيط في يومك... واحرص انك تتمرن مقاومة وكارديو ٣ مرات أو أكثر في الاسبوع... وخل هالشي يصير روتين دائم وليس فقط وسيلة مؤقتة لخسارة الوزن.
-
3⃣ نام كفاية وحاول تتحكم في ضغوطات الحياة
-
نام ٧ الى ٩ ساعات يومياً، ولا تسهر... خلك إيجابي وإبتعد عن المشاكل والضغوطات النفسية... لا تضغط على نفسك طوال الوقت... إخذلك فترات للراحة... إلخ.
-
4⃣ إشرب كفايتك من الماء
-
الماء كل شي يالربع... لا يعدي يومك وانت مو شارب كفايتك من الماء... ونصيحة، إقرأ مواضيعنا عن الماء في مدونتنا وراح تعرف شكثر شرب الماء مهم.
-
5⃣ تابع نفسك بشكل دوري
-
يعني قيس وزنك واخذ مقاساتك بشكل دوري (مرة في الشهر مثلاً) عشان يمديك تلحق على نفسك إذا نسيت نفسك وفليتها شوي.
-
أدري أن عموم متابعينا يعرفون هالكلام، لكن ما يمنع إنك تراجع نفسك وتشوف وين مقصر... وبالنسبة حق الي يقول "ماعرف شكثر لازم آكل أو أتمرن وغيرة" نقولة ما لك إلا طريقتين... الاولى انك تبحث وتتعلم، والثانية إنك تراجع مع مختص عشان يوجهك للطريق الصحيح... خلاصة الموضوع، إذا مو قاعد تطبق جميع هذه النقاط، إنت بإختصار مقصر مع نفسك، وسلامتكم.
-
شاركونا تجاربكم في الكومنت تحت 👇🏻👇🏻👇🏻