تفنن بأكلك


موضوع اليوم ليس عن وصفة صحية ولا معلومات غذائية متعلقة بصنف معين من الطعام... موضوعنا اليوم بيكون شوي مختلف.
-
هذي صورة وجبة أرسلتها مشتركة من مشتركينا، وقلنا لازم نكلمكم اليوم عن أهمية "التفنن" في طبخ وتقديم الوجبات.
-
الأكل الصحي مو لازم يكون بدون طعم أو شكل، بالعكس، كثر ما تقدر ضيف نكهه للطعام وزينة عشان تقدر تستمتع فيه وتستمر في تناولة.
-
الطبق في صورة عبارة عن صدر دجاج مع خضار، تقريباً ٩٩٪‏ من الي ماشين على رجيم ياكلون هالوجبة، لكن الاغلبية يقدمونها بطريقة مملة جداً (صدقونا، توصل لنا وايد صور لوجبات تضيق الخلق)، المهم، شنو موضوع الوجبة في الصورة؟؟؟ -
شوفوا عدد الألوان فيها... أخصر غامق وفاتح وأصفر وأحمر وبرتقالي وبنفسجي وأبيض، الألوان هذي مو بس حسنت من شكل وطعم الوجبة، كذلك حسنت من قيمتها الغذائية كثيراً... كل لون من هذه الالوان له فيتاميناته ومعادنه ومغذياته الخاصة فيه... يعني هالوجبة عبارة عن قنبلة صحية مقارنةً بسعراتها الحرارية... فيها جميع انواع الفيتامينات والمعادن ومضادات الاكسدة، ومن شكلها، أكيد الطعم ممتاز.
-
زبدة الموضوع، لا تاكل أكل ممل وبدون نكهه... تفنن ونوع في غذائك كثر ما تقدر، خاصة بالخضروات والفواكه.
-
كلمونا عن تجاربكم وأفكاركم في الطبخ مع الأكل الصحي عشان الكل يستفيد 👇🏻👇🏻👇🏻