الكبدة

القيمة الغذائية للكبدة شي ما صار يالربع... ملغوووومة فيتامينات ومعادن وبروتين وكمية الدهون والسعرات الحرارية فيها تعتبر قليلة... لكن نسبة الكلسترول فيها عالية للأسف... -
وهذي القيمة الغذائية لكل ١٠٠ غرام من كبدة الغنم (كبدة البقر والدجاج نفس الشي تقريباً)
-
139 kcal
20.4g protein
1.8g carbohydrates
5g fat
371mg cholesterol -
طبعاً هذي الارقام للكبدة بدون اضافات والوزن قبل الطبخ... عموماً، شوفوا شكثر فيها فيتامينات ومعادن:
-
٥ أضعاف احتياجك من فيتامين أي (أ) و ضعفين احتياجك من فيتامين ب٢ وخمس عشر ضعف احتياجك من فيتامين ب١٢... و٢٥٪‏ الى ٨٠٪‏ من باقي فيتامينات ب (شاملة الفوليك اسيد)... مو بس هذا، كذلك هالكمية من الكبدة تعطيك ٤٠٪‏ من احتياجك للحديد و٣٦٪‏ من الفسفور و٣١٪‏ من الزنك و٣٤٩٪‏ من النحاس و١١٨٪‏ من السلينيوم... -
يعني كلش ما يمنع انك تاخذ لك ١٠٠-٢٠٠ غرام كبدة في الاسبوع عشان تستفيد من كل هذه المغذيات... وطبعاً، استشير الطبيب او اخصائي التغذية اذا كان عندك ارتفاع في كلسترول الدم... وسلامتكم يالربع.