تدوير الكربوهيدرات...متى؟ وليش؟


العديد من لاعبي كمال الأجسام والفيزيك يستخدمون طريقة تدوير الكربوهيدرات للتنشيف (الوصول إلى نسبة دهون قليلة جداً) وتكلمنا عن هذا النظام في بوست سابق، لكن اليوم نحب نوضح بعض الأمور لكثرة الأسئلة.
-
متى وليش تستخدم هالنظام؟
-
عشان تنشف، لازم تبلش تقلل سعراتك الحرارية بالتدريج (غالباً يكون عن طريق تقليل الكربوهيدرات، لان اللاعب يبي يحافظ على اكبر كمية من العضلات فيحرص انه يخلي البروتين عالي)، ولما اللاعب يوصل مرحلة اذا قلل فيها الكربوهيدرات زيادة راح يتعب وماراح يقدر يعطي التمرين حقة... هني تكون فايدة تدوير الكربوهيدرات... اللاعب يقدر يحافط على اداءة في التمرين (للحفاظ على الكتلة العضلية) عن طريق زيادة الكربوهيدرات في أيام التمارين القوية وتقليل الكربوهيدرات في أيام التمارين الاقل شدة (مثل العضلات الصغيرة والكارديو وايام الراحة) -
يعني لازم يكون في توافق بين التمرين وبين ايام الكربوهيدرات المختلفة (عالي/متوسط/قليل) عشان اللاعب يقدر يستمر ويؤدي بالتمرين بالمستوى المطلوب.
-
من هذا الكلام نفهم بأنك فقط تحتاج تدور كمية الكربوهيدرات لما تكون مضطر تقلل الكربوهيدرات وايد... يعني مو من البداية تطبق هالنظام... وهم نفهم ان هالنظام خاص بالرياضيين (شخص عنده كتلة عضلية زينة) والهدف منه هو خسارة الدهون مع الحفاظ على الكتلة العضلية قدر الامكان... يعني اذا كنت تعاني من السمنة وتبي تضعف، هالنظام مو لك (تقدر تضعف بحمية متوازنة مع رياضة، فليش تعذب نفسك؟) -
أي سؤال عندكم، كتبوه تحت 👇🏻👇🏻👇🏻