شتسوي إذا خربتها؟

هالسؤال يحتل المرتبة الأولى في قائمة الأسئلة الأكثر شيوعاً... وكتبنا بوست عنه من قبل، لكن ما يمنع نناقش الموضوع زيادة عشان الكل يستفيد.
-
بالضبط، شتسوي إذا كنت ماشي على حمية وفي يوم فقدت السيطرة وخربتها؟
-
1️⃣ ترجع تلتزم في النظام الغذائي، كأن ما صار شي.
-
فكر فيها شوي، انت أساسا ماشي على حمية (يعني قاعد تاكل أقل من حرقك)، يعني ماله داعي تخفف أكلك أكثر أو تصوم وغيرة... لاء، أكلت يوم زيادة؟ ارجع التزم وكل شي بيصير تمام... المهم انك ما تخليها تصير عادة مستمرة (يعني لا تخربها وايد وتستمر في التخريب، حاول تتحكم في نفسك شوي واسعى وراء هدفك) -
2⃣ إستمر في رياضتك المعتادة (مافي داعي تزيد)
-
لا تشد حيلك وتتمرن زيادة على أساس إنك ترقع الموضوع... أغلب الي يعانون من السمنة ما عندهم اللياقة والقوة البدنية الكافية انه يضاعف مجهودة في التمرين، فلا تخاطر عشان ما تحوشك إصابة وتقعد في بيتكم بدون حركة. -
3⃣ لا توزن جسمك بعد التخريب.
-
لا توزن بعد التخريب خاصة إذا كانت عندك عقد من الميزان لأن وزنك بيكون زايد... مو لأنك زدت دهون لاء، لأن جسمك بيكون حابس ماي بعد ما صدمتة بكمية ملح مهولة... فخلك بعيد عن الميزان. -
الموضوع بهذه البساطة يالربع، خربتها يوم؟ ارجع اضبط نفسك والتزم وامورك بتكون طيبة، المهم انك ما تخربها وايد وباستمرار، ومالة داعي تنقص الاكل او تصوم او تلعب رياضة زيادة او اي شي ثاني، ترى كلها وجبة واحدة أو يوم واحد فقط.
-
آخر شي، حق الي مو فاهم ليش ما ننصحكم بطرق للترقيع (تصحيح الخطأ)؟ لأن غالباً، كثر ما يكون عندك طرق وحركات وخدع للترقيع، كثر ما راح تفلها وتخربها... فخلك بعيد عن هالدوامة وايد أحسن لك، وشكراً.