شتسوي اذا خربتها مع الدايت؟

السؤال المتكرر دائماً "اليوم خربتها... شسوي؟"
-
مافي أحد يلتزم بنظام غذائي وما يخربها طول عمره... كلنا تيينا أوقات نفتح فيها بالأكل، وهذا شي جداً طبيعي... لكن شتسوي اذا صار هالشي معاك؟
-
الجواب هو إنك ترجع الى نظامك الغذائي وبس، ماله داعي ترقعها وتسوي اشياء مالها داعي مثل الغاء وجبات او تضاعف تمرينك او تلغي مجموعات غذائية مثل الكربوهيدرات... الخ
-
كل المطلوب منك هو انك ترجع تلتزم برجيمك وتكمل تمرينك ولا تخليها عادة مستمرة انك تخرب الرجيم
-
وجبة او يوم واحد خربتها ماراح يخرب شغلك، بيزيد وزنك شويه بسبب احتباس الماء الناتج من الملح الزايد اللي اكلته، وكلها يومين او ثلاث من الالتزام وبيرجع وزنك مثل الاول
-
السر كله في الإستمرار وبس