مشتركينا تبون إختيارات أكثر؟


أي شخص إشترك معانا أو على الأقل قرأ وصف الباقات يدري ان انظمتنا تصمم بحيث نعطيك ٣ إختيارات لكل وجبة (باستثناء باقة اللايف ستايل)، وبعد مرور وقت ممكن تبون إختيارات أكثر، وبنقول لكم شلون تقدرون تحصلون إختيارات أكثر.
-
جميع الوجبات مكتوب تحتها كمية البروتين والكربوهيدرات والدهون والسعرات في حال بغيتوا تضيفون إختيارات، وبنقول لكم شلون.
-
🔹 تقدر تطلب من مطعم صحي يوفر البيانات الغذائية لوجباتة.
🔹 تقدر تستخدم الوصفات المكتوبة في مدوتنا على موقعنا الالكتروني او في حسابنا على الانستاجرام.
🔹 تقدر تصمم وجبتك بروحك بإستخدام مواقع توفر البيانات الغذائية مثل
http://nutritiondata.self.com
http://calorieking.com
أو بإستخدام تطبيقات مثل ماي فتنس بال، لكن تأكد بأن مدخلاتك صحيحة (الفرق بين هذا التطبيق وبين المواقع الي فوق هو ان هذا التطبيق أي أحد يقدر يحمل البيانات فيه، بينما المواقع ارقامها اكثر دقة وتم تحميلها من قبل مختصين) -
زين هل لازم أييب أرقام البروتين والكربوهيدرات والدهون والسعرات صح ١٠٠٪‏؟
-
صعبة وايد تييبها بالضبط، لذلك ننصح انك على الاقل تختار الوجبة بحيث تكون كمية السعرات والبروتين مشابهه، والكربوهيدرات والدهون عادي لو يتغيرون مافي مشكلة.
-
متى تقدر تبلش تحط اختيارات جديدة؟
-
أول إسبوعين ما ننصح انك تغير شي من الجدول الي صممناه لك، عشان نقدر ناخذ فكرة عن حرق جسمك والتزامك، بعدها اذا كل شي كان سليم (يعني ملتزم وجسمك قاعد يتعدل بالمعدل الطبيعي) تقدر تضيف اختيارات مثل ما شرحنا فوق.
-
وفي النهاية، إذا كنت تبينا احنا نغير او نضيف لك اختيارات، لازم تجدد إشتراكك وتطلب الي تبيه في الاستبيان. -
ملاحظة: هذا البوست موجهه لمشتركينا فقط.