الكافيين الجزء الثاني
تكلمنا عن الكافيين سابقاً (تقدر تراجع البوست في حسابنا أو مدوتنا) لكن ما يمنع نسولف عنه مرة ثانية ونضيف عليه شوية.
-
تلخيص سريع عن البوست السابق:
-
1⃣ جرعة ٢-٣ ملغ/كيلو من وزن الجسم (للاوزان الطبيعية) قبل الرياضة تساعدك على زيادة الأداء الرياضي، بالأخص رياضات التحمل والرياضات العالية الشدة.
2⃣ يعتبر منبه للجهاز العصبي، وهذا يخليه يزيد من الاحساس بالوعي ويقلل حاسة الادراك بالمجهود المبذول (يعني يخليك واعي وهم يخليك ما تحس بالتعب بسرعة)
3⃣ يساعدك بتمارين المقاومة عن طريق زيادة قوة الانقباض العضلي، ممكن عن طريق تسريع عملية نقل الكالسيوم الى الالياف العضلية.
4⃣ لا تتعدى جرعة ٥-٦ ملغ/كيلو من وزن الجسم عشان ما تحوشك اثار جانبية مثل ارتفاع ضغط الدم ودقات القلب والارق.
-
هل يساعد على حرق الدهون؟
-
تستعملة بروحة كحارق للدهون؟ مو وايد يحرق، شي بسيط، لكن اذا استعملته صح، ممكن تستفيد منه عن طريق التمرين بشكل افضل، وبالتالي حرق سعرات اكثر اثناء التمرين.
-
زين اذا استعملت الكافيين بدون رياضة، يساعد؟
-
اذا تستعمله باعتدال (تقريبا ٢٠٠-٣٥٠ ملغ في اليوم للرجال و حوالي ٢٤٠ ملغ في اليوم للنساء) ممكن يزيد من معدل الأيض أثناء الراحة بنسبة ٧ الى ١١٪ للرجال و٨ الى ١٥٪ للنساء... شمعنه هالجرعة؟ لأنها كانت الجرعة المستخدمة في العديد من الدراسات وكانت هذي النتيجة.
-
لكن كل هذا لا يعني انك تطيحله قهوه ومشروبات ملغومة في الكافيين طوال اليوم، مثل ما ذكرنا، راح تحوشك اثار جانبية تعفس حياتك، غير الارق وارتفاع ضغط الدم ودقات القلب، كذلك ممكن يحوشك جفاف، لان الكافيين يعتبر مدر للبول... وهم لازم تدير بالك وتستخدمه بذكاء عشان لا تصير مدمن على الكافيين (يعني استعمله فترة وقطعه فتره)... وسلامتكم يالربع.
-
تلخيص سريع عن البوست السابق:
-
1⃣ جرعة ٢-٣ ملغ/كيلو من وزن الجسم (للاوزان الطبيعية) قبل الرياضة تساعدك على زيادة الأداء الرياضي، بالأخص رياضات التحمل والرياضات العالية الشدة.
2⃣ يعتبر منبه للجهاز العصبي، وهذا يخليه يزيد من الاحساس بالوعي ويقلل حاسة الادراك بالمجهود المبذول (يعني يخليك واعي وهم يخليك ما تحس بالتعب بسرعة)
3⃣ يساعدك بتمارين المقاومة عن طريق زيادة قوة الانقباض العضلي، ممكن عن طريق تسريع عملية نقل الكالسيوم الى الالياف العضلية.
4⃣ لا تتعدى جرعة ٥-٦ ملغ/كيلو من وزن الجسم عشان ما تحوشك اثار جانبية مثل ارتفاع ضغط الدم ودقات القلب والارق.
-
هل يساعد على حرق الدهون؟
-
تستعملة بروحة كحارق للدهون؟ مو وايد يحرق، شي بسيط، لكن اذا استعملته صح، ممكن تستفيد منه عن طريق التمرين بشكل افضل، وبالتالي حرق سعرات اكثر اثناء التمرين.
-
زين اذا استعملت الكافيين بدون رياضة، يساعد؟
-
اذا تستعمله باعتدال (تقريبا ٢٠٠-٣٥٠ ملغ في اليوم للرجال و حوالي ٢٤٠ ملغ في اليوم للنساء) ممكن يزيد من معدل الأيض أثناء الراحة بنسبة ٧ الى ١١٪ للرجال و٨ الى ١٥٪ للنساء... شمعنه هالجرعة؟ لأنها كانت الجرعة المستخدمة في العديد من الدراسات وكانت هذي النتيجة.
-
لكن كل هذا لا يعني انك تطيحله قهوه ومشروبات ملغومة في الكافيين طوال اليوم، مثل ما ذكرنا، راح تحوشك اثار جانبية تعفس حياتك، غير الارق وارتفاع ضغط الدم ودقات القلب، كذلك ممكن يحوشك جفاف، لان الكافيين يعتبر مدر للبول... وهم لازم تدير بالك وتستخدمه بذكاء عشان لا تصير مدمن على الكافيين (يعني استعمله فترة وقطعه فتره)... وسلامتكم يالربع.