أقدر أدمج تمرين يومين في يوم واحد؟
سؤال يتكرر دائماً من فئة النساء بالأخص، وكالعادة، أي سؤال يتكرر وايد، لازم نكتب فيه بوست عشان الكل يستفيد.
-
السؤال دايما يكون "اليوم ما قدرت أتمرن، يصير أدمج تمرين اليوم مع تمرين باچر (يعني غداً بالكويتي)؟" أو "ودي أدمج التمارين عشان اروح النادي مرات أقل في الإسبوع، يصير؟" -
السؤالين نفس الشي، وهذا بيكون جوابنا المفصل والمبسط لهم:
-
ننصح وبشدة "ضد" إنك تدمج تمرينين مقاومة في يوم واحد، وخاصة لفئة النساء والمبتدئين (لأن فرصة حدوث الاصابة ،خاصة بالمفاصل، تكون أكبر عند النساء)... نعيد مرة ثانية، الجواب لاء، لا تدمج يومين في يوم واحد عشان ما تتعور وتقعد في بيتكم بدون رياضة... -
ونفس الكلام ينطبق على لاعبين الكروسفت، لا تدش حصة كروسفت قوية وبعدها تروح تتمرن في صالة حديد (إلا إذا كنت رياضي متمرس وعارف شنو قاعد تسوي بالضبط) لنفس السبب، عشان ما تتعور وتقعد في بيتكم بدون رياضة...
-
زين، وبالنسبة للي يتمرن تمرينين في اليوم، واحد مقاومة والثاني كارديو على فترتين منفصلين، عادي؟؟؟
-
تمارين الكارديو (التمارين الهوائية) ما تحط ضغط كبير على العضلات والمفاصل كثر تمارين المقاومة... يعني تقدر تتمرن مرتين في اليوم في هذه الحالة... بشرط تكون عارف شقاعد تسوي (يعني مو تلعب تمارين كارديو عالية الشدة وبعد كم ساعة عندك تمرين رجول قوي، خلك ذكي ووزع تمارينك على ايام الاسبوع بصورة تساعدك على تسريع الاستشفاء العضلي)... نبسطها أكثر، عندك تمرين رجول اليوم وتبي تتمرن كارديو بعد؟ احرص بأن يكون كارديو خفيف الشدة... أما اذا عندك تمرين مقاومة للجزء العلوي من الجسم، مافي مشكلة تتمرن تمارين كارديو عالية الشدة بنفس اليوم.
-
نتمنى نكون فدناكم في بوست اليوم، وأي سؤال متعلق في الموضوع، كتبوه تحت 👇🏻👇🏻👇🏻 وشكراً.
-
السؤال دايما يكون "اليوم ما قدرت أتمرن، يصير أدمج تمرين اليوم مع تمرين باچر (يعني غداً بالكويتي)؟" أو "ودي أدمج التمارين عشان اروح النادي مرات أقل في الإسبوع، يصير؟" -
السؤالين نفس الشي، وهذا بيكون جوابنا المفصل والمبسط لهم:
-
ننصح وبشدة "ضد" إنك تدمج تمرينين مقاومة في يوم واحد، وخاصة لفئة النساء والمبتدئين (لأن فرصة حدوث الاصابة ،خاصة بالمفاصل، تكون أكبر عند النساء)... نعيد مرة ثانية، الجواب لاء، لا تدمج يومين في يوم واحد عشان ما تتعور وتقعد في بيتكم بدون رياضة... -
ونفس الكلام ينطبق على لاعبين الكروسفت، لا تدش حصة كروسفت قوية وبعدها تروح تتمرن في صالة حديد (إلا إذا كنت رياضي متمرس وعارف شنو قاعد تسوي بالضبط) لنفس السبب، عشان ما تتعور وتقعد في بيتكم بدون رياضة...
-
زين، وبالنسبة للي يتمرن تمرينين في اليوم، واحد مقاومة والثاني كارديو على فترتين منفصلين، عادي؟؟؟
-
تمارين الكارديو (التمارين الهوائية) ما تحط ضغط كبير على العضلات والمفاصل كثر تمارين المقاومة... يعني تقدر تتمرن مرتين في اليوم في هذه الحالة... بشرط تكون عارف شقاعد تسوي (يعني مو تلعب تمارين كارديو عالية الشدة وبعد كم ساعة عندك تمرين رجول قوي، خلك ذكي ووزع تمارينك على ايام الاسبوع بصورة تساعدك على تسريع الاستشفاء العضلي)... نبسطها أكثر، عندك تمرين رجول اليوم وتبي تتمرن كارديو بعد؟ احرص بأن يكون كارديو خفيف الشدة... أما اذا عندك تمرين مقاومة للجزء العلوي من الجسم، مافي مشكلة تتمرن تمارين كارديو عالية الشدة بنفس اليوم.
-
نتمنى نكون فدناكم في بوست اليوم، وأي سؤال متعلق في الموضوع، كتبوه تحت 👇🏻👇🏻👇🏻 وشكراً.