شنو آفضل دمبلز؟


بشكل عام نقدر نقسم الدمبلز الى ثلاث أنواع رئيسية:
-
1⃣ دمبلز الوزن الثابت: نفس الموجودين في النادي، يكونون عبارة عن طقم كامل بأوزان مختلقة، وكل وزن في منه اثنين.
-
2⃣ دمبلز تركب عليها الأوزان: تكون عبارة عن بار صغير وتركب عليه الاوزان الي تبيها وتثبت الوزن بمشبك. -
3⃣ دمبلز بأوزان قابلة للتعديل: وهذا النوع الحديث، يكون عبارة عن مجموعة أوزان في قطعة واحدة، وكل الي عليك تسويه هو اختيار الوزن الي تبيه عن طريق لف المقبض أو ضغطة زر.
-
زين، ما هو النوع الأفضل؟؟؟ -
بشكل عام، العضلة ماراح تفرق بين الانواع الثلاث دام الوزن نفسة... راح تكون المقارنة بين الأنواع الثلاث حسب إحتياجك وإمكانياتك (يعني إختار الأنسب لك)... تحتاج شرح أكثر؟؟ حاضرين...
-
النوع الأول (الطقم الكامل مال النوادي) هو الأفضل من ناحية الجودة والعمر الافتراضي، وتقدر تستخدمة بتمارين أكثر (تسوي عليه تمارين ضغط وغيرة)، لكنه غالي ويحتاج مساحة (لانك بتشتري من كل وزن ٢)، يعني اذا تقدر على السعر وعندك مكان في البيت، اخذ دمبلز نفس النوادي.
-
النوع الثاني (البار الصغير الي تركب عليه اوزان) ميزته انه رخيص وما يحتاج مساحة، لكنه بيلوع جبدك من كثر ما تشيل وتركب الاوزان عليه، وايضا اذا ركبت اوزان وايد عليه بيصير جداً مزعج اثناء التمرين.
-
النوع الثالث (الي تغير فيه الوزن بضغطة زر او فرة مقبض) في منه انواع كثيرة، وكلهم اسعارهم غالية، فاحرص انك تختار الاجود منهم (بعضهم يختربون بسرعة وتلاقي الوزن وايد يعلق معاك عند التغيير)... اذا ما عندك مساحة في البيت وتبي اوزان وايد في دمبل واحد، فهذا بيكون افضل اختيار لك.
-
في النهاية، تقدر تمرن جميع عضلات جسمك بإستخدام الدمبلز فقط، فكلش مو غلط إنك تستثمر فيها حتى لو كان عندك اشتراك في نادي صحي (حق الايام الي ما تقدر تروح فيها النادي) -
كل واحد يقول شنو نوع الدمبلز الي عنده في البيت يالصملات (مع ذكر الاوزان) وشكراً.