التمارين في المنزل

حاب أو حابة تتمرنين في البيت؟ لكن مو عارفين شنو المعدات/الأدوات الي تحتاجونها؟
-
البوست هذا عن كل شي تحتاجة عشان تقدر تتمرن في البيت بأقل التكاليف.
-
أولا: دامبلز أو كتلبلز أو سيور المقارمة
-
تمارين المقاومة ضرورية ومفيدة جداً، تبني عضلات وتشد الجسم وتزيد من كثافة العظام، راح تحتاج تشتري أوزان (دامبلز، بار، كتلبلز) أو سيور المقاومة (وزنها خفيف وعملية وفعالة) أو تي آر أكس، وطبعاً تدرج في الاوزان، بلش خفيف وزيد بالتدريج.
-
ثانيا: مرتبة و الكرة السويسرية
-
راح تحتاج مرتبة والكرة السويسرية لاداء تمارين المعدة والضغط وغيرة من التمارين.
-
ثالثا: نظام التمرين المنزلي (فيديو أو يوتيوب)
-
في العديد من فيديوات وبرامج التدريب في المنزل على الانترنت (يوتيوب وغيرة) أو تقدر تشتري دي ڤي دي للتمارين المنزلية (تحصلهم على الأمازون) لكن إحرص بانك تستخدم التمرين المناسب لمستواك الرياضي (مبتدىء/متوسط/متقدم) -
الخلاصة: مو الكل يحتاج يتمرن في صالة رياضية، أكيد النادي له جوه الخاص، لكن تمارين المنزل تعتبر كافية وفعالة لأغلب الناس، إختار التمرين والمكان المناسب لك.