شكثر أشيل؟

شكثر لازم تشيل في كل تمرين عشان تستفيد صح؟ .
هذا سؤال أغلب المبتدئين، والجواب المبسط لهذا السؤال هو: .
انك تشيل الوزن الي تقدر عليه، يعني وزن تقدر تشيلة وتتحكم فيه بحيث انك تؤدي التمرين بالطريقة الصحيحة لعدد التكرارات المطلوب.
.
شلون تعرف؟
.
لازم تجرب وتكتشف بنفسك... إذا لقيت نفسك مو قادر تتحكم بالوزن أو مو قادر توصل لرقم قريب من التكرار المطلوب، يعني الوزن وايد ثقيل عليك ولازم تختار وزن أقل... والعكس صحيح... يعني لو حسيت أن التحكم بالوزن وايد سهل وقدرت تطوف عدد التكرارات المطلوبة بسهولة، يعني الوزن خفيف عليك ولازم تزيدة.
.
وبعد ما تكتشف الوزن المناسب لكل تمرين، سجلة عندك عشان يكون مرجع لك وحاول إنك تتغلب عليه وتزيده مع الوقت عشان تتطور.
.
سؤالنا لكم هو:
.
شلون تعرف متى تزيد الوزن؟ شاركونا بإجاباتكم في الكومنت عشان الكل يستفيد.