Drop Sets

إذا كنت حاب إنك تطور عضلة ضعيفة وعنيدة عندك، تقدر تستخدم طريقة الدروب ست. ولكن هالطريقة مو حق أي أحد، هالاسلوب من التمرين ما ننصح فيه إلا إذا كان مستواك متقدم (يعني عضلاتك قوية متطورة، بس حاب إنك تكبرها زيادة، خاصة اذا كانت أضعف من باقي عضلات جسمك
-
شنو يعني Drop Set
-
هو إنك تتمرن في وزن معين لغاية الإخفاق (يعني تكرر لين تتعب وما تقدر تسوي تكرار زيادة) وبعدها على طول تقلل الوزن وتستمر في التكرار لغاية الإخفاق مرة ثانية
-
ممكن يكون على جولتين (يعني تقلل الوزن مرة وحدة) أو ثلاث جولات (تقلل الوزن مرتين) أو أربع جولات (تقلل الوزن ثلاث مرات) وطبعاً كلهم بدون لا تريح بين الجولات
-
طبعاً، وايد أشوف شباب يطبقون هالاسلوب بصورة خاطئة، تلاقيهم يسوونه بكل التمارين، وطول الاسبوع لجميع العضلات، وهالشي جداً متعب وغلط
-
اذا تبي تستغل طريقة الدروب ست، طبق هالاسلوب في تمرين واحد، مرة الى مرتين في الاسبوع، واستخدمة لتطوير عضلات الجسم الاضعف
-
بهل طريقة تكون قاعد تخلي عضلات جسمك أكثر توازناً وتناسقاً
-
الخلاصة: إستخدم الدروب ست لصدم عضلات الجسم الاضعف، عشان تجبرها تكبر وتصير اقوى وتلحق على باقي عضلات الجسم، ولا تنسى، هالاسلوب تستخدمة لما يكون مستواك متقدم، وعضلات جسمك وصلت مرحلة وثبتت عليها فترة من الزمن