شنو جدول التمرين المناسب لكم؟

أكيد سمعت بجداول تمرين مختلفة، مثل تمرين شامل، جدول صدر وباي، ظهر وتراي... الخ
-
بس شنو جدول التمرين المناسب لك؟
-
بشكل عام، لو شنو كان جدولك الحالي، الي لازم تعرفه هو انك لازم تغير الجدول بشكل دوري، ليش؟
-
لازم تغير جدول تمرينك عشان الجسم ما يتعود ويستمر في التطور، مثل ما انك تزيد الاوزان، وتغير التكرارات، وتغير وقت الراحة بين الجولات، لازم بعد تغير جدول تمرينك الاسبوعي بين فترة وفترة
-
واذا كنت توك مبلش تتمرن، فننصحك بالتدرج في التمرين بالطريقة التالية
-
أول مرة تتمرن؟
-
بلش بالتمرين الشامل، يعني مرن جميع عضلات جسمك بيوم واحد، وسو هالشي ٣ مرات في الاسبوع (يعني يوم وترك)
-
تتمرن أكثر من ٣ شهور؟
-
وزع عضلات جسمك على يومين (الجزء العلوي يوم والجزء السفلي يوم أو نصف عضلات جسمك بيوم والنصف الباقي ثاني يوم) وسو هالشي مرتين في الاسبوع
-
سنه فوق؟
-
وزع عضلات جسمك على ٣ ايام، ريح يوم، وعيد
-
سنة ونصف وفوق؟
-
وزع عضلات جسمك على ٤ الى ٥ ايام، وريح من يوم الى يومين في الاسبوع، وعيد
-
طبعاً مو هذي الطريقة الوحيدة الي ممكن تتدرج فيها بالتمرين، لكنها طريقة فعالة جداً ونتايجها طيبة
-
ملاحظة: هالكلام ينطبق على الرجال والنساء