الزبادي

نصيحة اليوم عن الروب (الزبادي) وشلون تختارون الأنسب لكم
-
أنواع الروب في الجمعية ما تخلص، روب مع فواكه، روب بنكهه، روب يوناني، روب مدعم بنسبة اكبر بالخمائر الحية(بكتيريا)، فا شنو الأفضل لكم؟
-
:نبلش من الأسوأ الى الأفضل
-
الروب الجاهز المخلوط مع نكهات أو كاكاو أو بسكوت، نسبة السكر فيه عالية والبروتين فيه أقل من أي نوع ثاني: كلش ماله داعي
-
الروب المخلوط مع فواكه، تأكد انه محتواه يكون روب وفواكه فقط ومافي سكر مضاف في المحتويات، صحي، لكن كمية البروتين فيه اقل من الروب السادة والسبب بان الفواكه شاغرة نصف العلبة تقريبا (يعني كمية الروب الفعلي أقل)
-
أما أفضل أنواع الروب هو الروب السادة، الي مافي أي شي مضاف، سواءً كان روب يوناني أو روب عادي، الروب السادة تكون فيه كمية البروتين والكالسيوم كاملة، ومافيه اي نوع من انواع السكر المضاف، واذا خذيته عضوي، تضمن خلوه من الهرمونات والمضادات الحيوية وغيرة
-
الخلاصة: اخذ الروب سادة قدر الامكان، واذا حبيت تغير طعمة، انت ضيف عليه الفواكه او العسل او الشوفان او المكسرات، وبهل طريقة، تضمن انك تاخذ كمية البروتين الكاملة من الروب، وشكراً